July 2013 ~ ល្អប្រណីត

Tuesday, July 30, 2013

រង្វាន់ 14,000 Sabay Golds សល់ត្រឹម 6,000

Tuesday, July 30, 2013 No comments

រង្វាន់ប្រចាំសប្ដាហ៍របស់សេវា កម្សាន្តម៉ុងហ្គោល បានធ្លាក់ចុះយ៉ាងខ្លាំងសម្រាប់សប្ដាហ៍ទី៤នេះ ដោយសប្ដាហ៍មុន សេវាកម្សាន្តបានប្រគល់រហូតដល់ទៅ 14,000 Sabay Golds សម្រាប់អ្នកឈ្នះទាំង៤ ប៉ុន្តែសម្រាប់សប្ដាហ៍នេះ ម៉ុងហ្គោលបានចំណាយត្រឹមតែ 6,000 Sabay Golds ប៉ុណ្ណោះ។

ការធ្លាក់ចុះចំនួនសរុបនៃរង្វាន់យ៉ាងច្រើនក្នុងសប្ដាហ៍ទី៤នេះ គឺមកពីម្ចាស់តំណែង Emperor King ទាំងពីរ Server មិនអាចរក្សាតំណែងនេះបាន ដោយត្រូវបានជើងខ្លាំងថ្មី GameOver ស្ដេចនៃប្រទេស Persia របស់ Server Pandora និង Chanoudom077 ស្ដេចនៃប្រទេស Russia របស់ Server Shangri-la កាប់សម្លាប់ និងវាយដណ្ដើមយកតំណែងនេះបានសម្រេច។

Chanoudom077 ពិតជាមានសមត្ថភាព និងយុទ្ធសាស្ត្រធ្វើសង្គ្រាមខ្លាំងមែន ដោយអាចទម្លាក់ BadMeeTEviLz ម្ចាស់តំណែង Emperor King ៣សប្ដាហ៍ជាប់គ្នាបាន។

សម្រាប់ម្ចាស់តំណែង Emperor King ថ្មីទាំង២នេះ ទទួលបានរង្វាន់លើកទឹកចិត្តពីសេវាកម្សាន្តម៉ុងហ្គោលចំនួន 2,000 Sabay Golds ក្នុងម្នាក់។ តែបើសិនជាសប្ដាហ៍ក្រោយ Emperor King ទាំង២នេះ អាចរក្សាតំណែងនេះបាន គេទាំង២នាក់នឹងបានរង្វាន់រហូតដល់ទៅ 5,000 Sabay Golds ឯណោះ។
រីឯរង្វាន់សម្រាប់ជើងខ្លាំងដែលឈ្នះពី Challenge វិញ ពីមួយសប្ដាហ៍ទៅមួយសប្ដាហ៍មិនមានអ្វីប្លែកឡើយ គឺរង្វាន់នៅតែមានចំនួន 1,000 Sabay Golds ដដែល។
ចុចត្រង់នេះ ដើម្បីតាមដានអ្នកឈ្នះរង្វាន់សប្ដាហ៍មុន៕

សូមចុចទីនេះដើម្បីអានបន្ត!

Jamison ទទួលរង្វាន់ឌុប

Tuesday, July 30, 2013 No comments

ទើបតែមកទទួលរង្វាន់ ជាមួយស្រីកំណាន់ចិត្ត Sunnykoko សប្ដាហ៍មុនសោះ ម្សិលមិញនេះ Jamison បានមកបើករង្វាន់ម្ដងទៀតហើយ។ ក្នុងការបង្ហាញខ្លួនទទួលរង្វាន់លើកនេះ ប្លែកពីសប្ដាហ៍មុន ដោយ Emperor King ២សប្ដាហ៍រូបនេះ មកទទួលរង្វាន់តែម្នាក់ឯងប៉ុណ្ណោះ។ អុញ! ម៉េចម្នាក់ឯងអីចឹង? ចុះម្ចាស់រង្វាន់ Challenge អត់មកបើករង្វាន់ទេអី?

រកម្ចាស់រង្វាន់ Challenge ឯណាទៀត បើ Jamison ដណ្ដើមយកអស់ហើយហ្នឹង! សប្ដាហ៍នេះ គឺជាសប្ដាហ៍ដ៏ជោគជ័យមួយសម្រាប់ Jamison ដោយ Emperor King រូបនេះមិនត្រឹមតែអាចរក្សាតំណែងដ៏មានអំណាចនេះទេ ថែមទាំងអាចដណ្ដើមបានតំណែងម្ចាស់រង្វាន់ Host Challenge ទៀតផង ដែលធ្វើឲ្យស្ដេចនៃប្រទេស Turkey រូបនេះ ទទួលបានរង្វាន់រហូតដល់ទៅ 6,000 Sabay Golds តែម្នាក់ឯង ខណៈរង្វាន់សម្រាប់ Emperor King និង Host Challenge មានត្រឹមតែ 3,000 Sabay Gold ប៉ុណ្ណោះ។

TroubleMaker

ជុំវិញការទទួលបានតំណែងសំខាន់ទាំង២ ក្នុងសប្ដាហ៍តែមួយ Jamsion បានអួតប្រាប់ Sabay ថា៖ “ចំពោះការរក្សាតំណែង Emperor King គឺមានភាពពិបាកបន្តិច ព្រោះសត្រូវមានរហូតដល់ទៅ៣ប្រទេស ប៉ុន្តែសម្រាប់ Challenge កាប់សម្លាប់វិញ មិនថាក្នុង Instance ឬ ប្រយុទ្ធជាមួយអ្នកក្លាហានដទៃ គឺដឹងតែឈ្នះហើយ”។ ម្ចាស់តំណែង Emperor King ពីរសប្ដាហ៍ជាប់គ្នារូបនេះបានបន្តទៀតថា ក្នុងការទប់ទល់នៃការសម្រុករបស់ប្រទេសទាំង៣ Jamison បានរៀបចំក្បួនយុទ្ធសាស្ត្រការពារយ៉ាងម៉ត់ចត់ ដោយស្ដេចនៃប្រទេស Turkey រូបនេះ បានបែងចែកកងទ័ពជា៣ក្រុមសម្រាប់ការពារផ្លូវទាំង៣។

Jamison

ប៉ុន្តែសម្រាប់ការការពារនេះ Jamison បានបញ្ជាក់ថា គេមិនសូវយកចិត្តទុកដាក់ខ្លាំងទៅលើផ្លូវកណ្ដាលទេ ព្រោះផ្លូវនេះសត្រូវមិនសូវសម្រុកឡើយ។ អ្វីដែលបារម្ភ គឺផ្លូវសងខាងទាំង២ ដែលជាផ្លូវទូលាយ និងមិនមានឧបសគ្គអ្វីដូចផ្លូវកណ្ដាលឡើយ បើសិនជាមិនមានកងទ័ពប្រទេសរបស់ Emperor King មកការពារ។

Jamison

បន្ទាប់ពីប្រាប់ពីយុទ្ធសាស្ត្រការពារតំណែង Emperor King របស់ខ្លួនដល់ Sabay ហើយ Jamison បានត្អូញបន្ថែមថា សម្រាប់ការរក្សាតំណែង ដើម្បីទទួលបានរង្វាន់ 10,000 Sabay Golds នៅសប្តាហ៍បន្ទាប់ដូចជាមិនសូវមានសង្ឃឹមសោះ។ ទោះជាយ៉ាងណា នឹងនៅតែចូលរួមប្រយុទ្ធ និងព្យាយាមសម្លាប់ដូចសព្វដង មិនមែនដើម្បីតែរង្វាន់មួយមុខទេ ប៉ុន្តែក៏ដើម្បីភាពសប្បាយរីករាយជាមួយមិត្តភ័ក្ដិផងដែរ។

ចង់ដឹងថា Jamsion អាចរក្សាតំណែង Emperor King និងទទួលរង្វាន់ 10,000 Sabay Golds សម្រាប់សប្ដាហ៍ចុងក្រោយនេះ ឬយ៉ាងណា កុំភ្លេចតាមដានលទ្ធផលដែលរន្ធត់នេះជាមួយម៉ុងហ្គោល៕

សូមចុចទីនេះដើម្បីអានបន្ត!

BadMeeTEvilz និង Jamison មកទទួលរង្វាន់យ៉ាងរីករាយនៅសប្ដាហ៍បញ្ចប់

Tuesday, July 30, 2013 No comments

ពេលវេលាពិតជាដើរលឿន គួរឲ្យកត់សម្គាល់មែន! ព្រឹត្តិការណ៍ចែករង្វាន់ដល់ម្ចាស់តំណែង Emperor King និង Host Challenge ទើបតែចាប់ផ្ដើមថ្ងៃមុនសោះ ម្សិលមិញនេះដល់ថ្ងៃបើករង្វាន់សម្រាប់អ្នកប្រយុទ្ធដែលឈ្នះសប្ដាហ៍បញ្ចប់បាត់។
ទន្ទឹមនឹងនេះ អ្វីដែលមិនគួរឲ្យចង់ជឿនោះគឺថា BadMeeTevilz និង Jamison ដែលជា Emperor King នៅ Server ផ្សេងគ្នា ដូចបានណាត់គ្នាមកទទួលរង្វាន់អីចឹង ដោយម្ចាស់រង្វាន់សប្ដាហ៍ដំបូងជា Emperor King ទាំង២នេះ ហើយម្ចាស់រង្វាន់សប្ដាហ៍បញ្ចប់ក៏ជាគេទាំង២នាក់ដែរ។
ជើងខ្លាំងទាំងពីររូបនេះ បានទទួលតំណែង Emperor King រហូតដល់ទៅ ៤ដងម្នាក់ សម្រាប់ព្រឹត្តិការណ៍នេះ ខណៈដែលស្ដេចនៃប្រទេសផ្សេងៗទៀតក្នុង Server នីមួយៗអាចទទួលបានតំណែងនេះ ត្រឹមតែម្ដងប៉ុណ្ណោះ។

បន្ទាប់ទទួលរង្វាន់ហើយ BadMeetEvilz ជា Emperor King នៅ Server Shangrila-La បានបង្ហើបប្រាប់ Sabay ថា៖ “សម្រាប់ព្រឹត្តិការណ៍នេះ ពិតជាឡូយណាស់។ វាមិនមែនផ្ដល់ត្រឹមតែ Sabay Gold ទេ តែវាផ្ដល់ទាំងភាពសប្បាយរីករាយ និងជក់ចិត្តជាងមុននៅពេលប្រយុទ្ធ ព្រោះអ្នកលេងទាំងអស់បានប្រឹងប្រែងប្រយុទ្ធជាងធម្មតា”។
ស្ដេចនៃប្រទេស Persia ប្រចាំ Server shangri-La រូបនេះបានបន្តទៀតថា៖ “បើសិនជាមានព្រឹត្តិការណ៍ផ្ដល់រង្វាន់អីចឹងទៀត ខ្ញុំនឹងចូលរួម ហើយមានជំនឿថានឹងអាចទទួលរង្វាន់ទៀត”។

ដូចគ្នាដែរ Jamison Emperor King នៅ Server Pandora បានបញ្ជាក់ប្រាប់ Sabay ថា គេពិតជាមានអារម្មណ៍សប្បាយណាស់ ដែលបានចូលរួម និងទទួលបានរង្វាន់ជាច្រើនក្នុងព្រឹត្តិការណ៍នេះ។ ព្រឹត្តិការណ៍នេះធ្វើឲ្យគេទទួលបានការប្រយុទ្ធដ៏រន្ធត់មួយ ដោយសារតែការតម្រូវឲ្យមានការរៀបចំយុទ្ធសាស្ត្រដ៏ល្អមួយ ដើម្បីរក្សាតំណែងមហាអំណាចពីសំណាក់ ៣ ប្រទេសផ្សេងទៀត នៅពេលដែលកំពុងកាន់តំណែង Emperor King។
បញ្ជាក់៖ សម្រាប់ព្រឹត្តិការណ៍ផ្ដល់រង្វាន់ដល់ Emperor King បានបញ្ចប់មែន ប៉ុន្តែការប្រយុទ្ធដណ្ដើមតំណែង Emperor King នៅតែមានដដែល។ ដូច្នេះកំពូលអ្នកប្រយុទ្ធទាំងអស់នៅតែអាចទទួលបានភាពសប្បាយរីករាយ ពីការចូលរួមប្រលូកក្នុងភ្លើងសង្គ្រាមដ៏ស្វិតស្វាញនេះ ជារៀងរាល់ថ្ងៃសៅ វេលាម៉ោង 6:30-7:30 យប់៕

សូមចុចទីនេះដើម្បីអានបន្ត!

កម្មវិធីកីឡាតាមទូរទស្សន៍ផ្អាកក្រោយការបោះឆ្នោត?

Tuesday, July 30, 2013 No comments

លោក ម៉ា សេរី ប្រធានផ្នែកកីឡានៅ CTN បានឲ្យដឹងថា កម្មវិធីប្រដាល់នាចុងសប្ដាហ៍នេះ អត់មានការផ្អាកអ្វីដូចការសង្ស័យរបស់ទស្សនិកជននោះទេ។
ការលើកឡើងនេះនៅចំពេលគ្រួសារខ្មែរភាគច្រើននទូរសព្ទប្រាប់កូនចៅ កុំទាន់ឲ្យវិល ចូលភ្នំពេញវិញក្នុងអំឡុងពេលនេះ។ ជាមួយនោះលោក ទី រ៉ាណាត អ្នកផលិតកម្មវិធី និង ជាពិធីករនៃស្ថានីយទូរទស្សន៍ ប៉ុស្តិ៍លេខ៣ បានថ្លែងថា សូមបងប្អូនកុំបារម្ភអី ហើយ ក៏គ្មានរឿងអីកើតឡើងដែរ ព្រោះស្ថានភាពមិនដូចការនិយាយពីមាត់មួយទៅមាត់មួយនោះទេ។ ទន្ទឹមនឹងនេះកម្មវិធីកីឡានៅស្ថានីយក្នុងស្រុកមួយនេះនៅតែ ដំណើរការជូនបងប្អូននាថ្ងៃសៅរ៍ចុងសប្ដាហ៍នេះដូចសប្ដាហ៍ កន្លងទៅដែរ។

ការប្រកួតក្នុងកម្មវធី Khmer Fighter កន្លងមក

ជាមួយគ្នានេះដែរ លោក សារិ ជំនួយការគ្របគ្រងកម្មវិធីប្រដាល់ ប៉ុស្តិ៍បាយ័ន សូមអំពាវឲ្យបងប្អូនអញ្ជើញមកទស្សនាកម្មវិធីប្រដាល់ជាធម្មតា ព្រោះអត់ការបង្កឲ្យមានភាពភ័យខ្លាចអីនោះទេ។
ដោយឡែក លោក សេង កដិកា ប្រធានគ្របគ្រងកម្មវិធីកីឡានៅប៉ុស្តិ៍លេខ៥ មិនអាចទាក់ទងបានដោយទូរសព្ទត្រូវបានបិទ។ ប៉ុន្តែ លោក ហ៊រ ង៉ែត ពិធីករកីឡាប្រចាំស្ថានីយក្នុងស្រុកមួយនេះបានបង្ហើបថា រាល់កម្មវិធីប្រដាល់ និង កម្មវិធីកីឡានានានៅបន្តសកម្មភាពដដែលចុងសប្ដាហ៍នេះ។
ចម្ងល់ និង ការភ័យខ្លាចមិនសូវហ៊ានចេញក្រៅ ឬ មិនចង់ទៅទស្សនាកម្មវិធីប្រដាល់តាមប៉ុស្តិ៍របស់ប្រិយមិត្តនេះ បន្ទាប់ពីការបោះឆ្នោតជ្រើសរើស តំណាងរាស្ត្រកាលថ្ងៃទី ២៨ កក្កដា កន្លងទៅ។ ទោះយ៉ាងណាសភាពការណ៍នៅភ្នំពេញគឺធម្មតា ហើយ កម្មវិធីកីឡាទាំងឡាយនៅដំណើរការធម្មតានៅចុងសប្ដាហ៍នេះ៕

សូមចុចទីនេះដើម្បីអានបន្ត!

អ្វីទៅជា Multi-touch?

Tuesday, July 30, 2013 No comments

ឮតែ Touchscreen ប្រាកដជាប្រិយមិត្តបានដឹងភ្លាមរួចទៅហើយថា មានន័យដូចម្ដេច។ វាជាបច្ចេកវិទ្យាអេឡិចត្រូនិកដែលអាចបង្ហាញ និងបញ្ជាកម្មវិធីដោយប្រើម្រាមដៃប៉ះទៅលើផ្ទាំងអេក្រង់ផ្ទាល់តែ ម្ដង។ ចុះចំណែក Multi-touch វិញតើវាមានន័យដូចម្ដេច?

50-Infrared-Multi-Touch-Overlay-40-Points-X-50-40-

Multi-touch គឺសំដៅទៅលើឧបករណ៍ទាំងឡាយណាដែលមានសមត្ថភាពអាចឱ្យ user ដំណើរការនូវជម្រើស Option ផ្សេងៗគ្នាដោយការចុច touch លើកញ្ចក់អេក្រង់ក្នុងទិសដៅផ្សេងគ្នាចាប់ពី ២ចំណុចឡើងទៅនៅពេលដំណាលគ្នាបាន។ ជាការចាំបាច់ដែរក្នុងការប្រើ Multi-touch ជាក់ស្ដែង ការប្រើមុខងារ pinch to zoom ដើម្បីពង្រីកពង្រួមអ្វីមួយអាចប្រព្រឹត្តិទៅបានដោយប្រើ touch ២ចំណុចដំណាលគ្នា។ Multi-touch ដំណើរការបានអាស្រ័យលើកត្តា ២ យ៉ាងមិនអាចខ្វះបានគឺ Hardware និង Software។
សព្វថ្ងៃគេឃើញភាគច្រើនមាននៅលើ Smartphone, Tablet, Laptop, touchtable, និង Wall Multi-touch ជាដើម។ ខាងក្រោមនេះ ជាផលិតផលដំបូងគេរបស់ក្រុមហ៊ុនល្បីមួយចំនួនដែលបានបំពាក់ បច្ចេកវិទ្យា multi-touch៖

- DiamondTouch៖ ជាតុ touchscreen របស់ក្រុមហ៊ុន Mitsubishi បង្កើតឡើងនៅឆ្នាំ២០០១
- iPhone៖ ជា Smartphone របស់ Apple ដែលផលិតនៅឆ្នាំ២០០៧
- PixelSense ដែលពីមុនហៅថា Surface របស់ Microsoft បង្កើតនៅឆ្នាំ២០០៧
- Open Source system CUBIT (multi-touch) របស់ Nortd Labs បង្កើតនៅឆ្នាំ២០០៧
- ELAN eFinger

Multi-touch ក៏ត្រូវបានក្រុមហ៊ុនបច្ចេកវិទ្យាជាច្រើនលើលោក មិនថាផលិត Smart Device ឬកុំព្យូទ័រទេ គឺសុទ្ធតែបានជ្រើសរើសយកបច្ចេកវិទ្យាអេឡិចត្រូនិកនេះមកបំពាក់នៅលើ ឧបករណ៍រៀងៗខ្លួន។ ខាងក្រោមនេះ ជា Device មួយចំនួនដែលបានប្រើ Multi-touch៖
- Multi-touch Overlay៖ ជាប្រភេទឧបករណ៍សំប៉ែតមានកម្រាស់ស្ដើងរាបស្មើ ដែលអាចដាក់គ្របលើឧបករណ៍ផ្សេងៗដើម្បីឱ្យមានសមត្ថភាពអាច touch លើ screen បាន។ វាអាចដំណើរការបាននៅលើប្រព័ន្ធប្រតិបត្តិការជំនាន់ Windows XP ឡើងទៅ និង Mac OS X។
- Multi-touch Tablet

- Multi-touch Smartphone

មើលចំណុចខុសគ្នា រវាង Smartphone និង Mobile Phone សូមចុចត្រង់នេះ …

- Wall Multi-touch

ចង់ដឹងពីដើមកំណើតនៃ Touchscreen មានតាំងពីពេលណា សូមចុចត្រង់នេះ …

សូមចុចទីនេះដើម្បីអានបន្ត!

ចំណុចខុសគ្នារវាង Smartphone និង Mobile Phone ដែលគួរយល់ដឹង

Tuesday, July 30, 2013 No comments

មកដល់ពេលនេះ នៅតែមានចម្ងល់ខ្លះៗនៅឡើយ ជុំវិញការហៅទូរសព្ទថាជា smartphone ឬ mobile phone។ តើពឹងផ្អែកលើចំណុចណាខ្លះ ដែលបង្ហាញលក្ខណៈសម្គាល់ពីប្រភេទទូរសព្ទទាំង ២ នេះ?

Mobile Phone៖

@ Mobile Phone ឬអាចហៅថា cellular phone, cell phone និង hand phone ក៏បាន ជាប្រភេទទូរសព្ទដែលមានលក្ខណៈសម្បត្តិសាមញ្ញៗមានមុខងារសមល្មម សម្រាប់តែការហៅចេញ ហៅចូល និងផ្ញើសារប៉ុណ្ណោះ។ និយាយឱ្យចំទៅ ទូរសព្ទធុននេះ ពីមុនមកពុំមានប្រើប្រព័ន្ធប្រតិបត្តិការ (OS) ទំនើបៗ, កាមេរ៉ា ឬអ៊ីនធឺណិតបានឡើយ។ តែនាពេលបច្ចុប្បន្ន គេឃើញមានមួយៗហើយ ដែលខ្លះមាន web browser អាចផ្ញើ MMS និងរហូតដល់ផ្ញើ Email បានទៀតផង។

Nokia 100

@ ប្រភេទទូរសព្ទនេះ ក៏មានការវិវឌ្ឍទៅមុខផងដែរពីទូរសព្ទមានកម្រាស់ក្រាស់ៗ ពណ៌សខ្មៅ មកជារាងស្ដើងៗ និងមានពណ៌ជាជម្រើសជាច្រើន។ ជាក់ស្ដែងដូចជា Nokia 100 ដែលជាស៊េរី ទូរសព្ទមានច្រើនពណ៌ ហើយក្រៅពីមានមុខងារ តម្លៃរបស់វាក៏ទៅតាមនោះដែរប្រហែល ២៨-៣០ដុល្លារប៉ុណ្ណោះ (សម្រាប់ស្រុកខ្មែរ)។

@ ខណៈ Mobile Phone ពុំមានកម្មវិធីច្រើន តែកាន់ថ្មបានយូរជាងពពួកទូរសព្ទដៃទំនើបៗប្រភេទ smartphone ឆ្ងាយណាស់ ឧទាហរណ៍ mobile phone ខ្លះអាចបើកចោល (standby) បានរហូតជាង ១ខែ (៨៤០ម៉ោង) ជាងឯណោះ។

@Mobile Phone ដំណើរការសេវា (1G) ដំបូងនៅឆ្នាំ ១៩៧៩ ចេញដោយក្រុមហ៊ុនអាមេរិក Ameritech ដែលនាពេលបច្ចុប្បន្នបានប្ដូរឈ្មោះទៅជា AT&T Teleholdings, Inc។ លុះមកដល់ឆ្នាំ ១៩៩១ ទើបចេញដល់បច្ចេកវិទ្យា cellula ជំនាន់ទី២ ហៅថា 2G ស្តង់ដារ Global System for Mobile (GSM) ប្រើប្រាស់បានដំបូងនៅក្នុងប្រទេសហ្វាំងឡង់ដោយក្រុមហ៊ុន Radiolinja។

Smartphone៖

@ គ្រាន់តែឮប្រហែលប្រិយមិត្តអាចសន្និដ្ឋានបានរួចទៅហើយថា អ្វីជា smartphone។ ជាការពិតណាស់ សព្វថ្ងៃក្រុមហ៊ុនទូរសព្ទជាច្រើនកំពុងប្រកួតប្រជែងគ្នាយ៉ាង ខ្លាំង ដោយខិតខំសម្អិតសម្អាងទូរសព្ទពីមួយជំនាន់ទៅមួយជំនាន់របស់ខ្លួន ឱ្យកាន់តែទំនើបឡើងៗ ដែលទាំងអស់នេះសុទ្ធសឹងជា smartphone។
@ smartphone អាចនិយាយបានថា ជាការច្របាច់បញ្ចូលទំនើបកម្មរវាង Mobile Phone (និយមន័យខាងលើ) និង Personal Digital Assistant (PDA) ដែលជាក្រុមឧបករណ៍ប្រភេទ handheld ត្រូវបានគេផលិតឡើងមានមុខងារ និងសមត្ថភាពដោះស្រាយការងារបានច្រើនយ៉ាង ប្រហាក់ប្រហែលនឹងកុំព្យូទ័រ។
និយាយឱ្យចំទៅ smartphone ជាប្រភេទទូរសព្ទកាត់កុំព្យូទ័រ ដំណើរការដោយប្រព័ន្ធប្រតិបត្តិការ (OS) ដែលសព្វថ្ងៃមានដូចជា៖ iOS, Android, Windows Phone, BlackBerry ជាដើម និងបានបំពាក់មុខងារពិសេសៗច្រើនជាងទូរសព្ទធម្មតា (mobile phone)។
លក្ខណៈដ៏គួរឲ្យកត់សម្គាល់របស់ Smartphone មានដូចជា ការបំពាក់មុខងារ Portable Media Players អាចចាក់ចម្រៀង ឬវីដេអូបាន។ កាន់តែទំនើបគឺការភ្ជាប់កាមេរ៉ា (Digital Camera) និង វីដេអូកាមេរ៉ា (Pocket Video Camera) ហើយ smartphone ទំនើបខ្លះថែមទាំងមានមុខងារស្វែងរកទីតាំង GPS ទៀតផង។

Nokia Lumia 900

@ មិនតែប៉ុណ្ណោះ នាពេលបច្ចុប្បន្ន អត្ថន័យ Smartphone ក៏រួមបញ្ចូលទាំងអេក្រង់ធំ, មាន Web Browser និង Touchscreen ដែរ។ សរុបមកសមត្ថភាពរបស់ទូរសព្ទ Smartphone គឺខ្ពស់ជាងទូរសព្ទធម្មតា ដែលគេប្រើបានតែសម្រាប់ការនិយាយទាក់ទងគ្នា។ ជាក់ស្ដែង Lumia 900 របស់ Nokia ដែលបានប្រើប្រព័ន្ធប្រតិបត្តិការ Windows Phone 7.5 Mango មានអេក្រង់ ៤,៣អ៊ីញ, កាមេរ៉ា 8MP, ប្រើអ៊ីនធឺណិតបាន (2G/3G) ហើយខ្លះរហូតដល់ 4G ទៅហើយដែរ។

@ ពាក្យ Smartphone ចាប់ផ្ដើមមានតាំងពីឆ្នាំ ១៩៧៣ មកម្ល៉េះ។ តែទោះជាយ៉ាងណាពុំទាន់មាននិយមន័យណាជាផ្លូវការនៅឡើយទេ និងនៅមិនទាន់ញែកឲ្យដាច់ទាំងស្រុងរវាង Smartphone និងទូរសព្ទធម្មតា។ យ៉ាងណាមិញ ខាងលើនេះ ជាចំណុចមួយចំនួនដែលអាចចាត់ទុកជាទូរសព្ទ Smartphone។

នៅមានពាក្យបច្ចេកទេសជាច្រើនទៀត ដែលគួរស្វែងយល់បន្ថែម សូម ចុចត្រង់នេះ ដើម្បីបន្តអាន …

សូមចុចទីនេះដើម្បីអានបន្ត!

លេងស្ទីលរូបភាពរាំទៅមក ដោយប្រើ javascript!

Tuesday, July 30, 2013 No comments

មិនចម្លែកអីនោះទេ សម្រាប់ប្រិយមិត្តដែលមានចំណេះដឹងស្រាប់លើភាសាកូដវែប Web Development និងចេះប្រើ javascript ហើយនោះ។ ទំព័រនេះ Sabay សូមលើកយកកូដ javascript ដែលធ្វើឱ្យរូបភាពនៅលើរាល់គេហទំព័រមានចលនារត់ទៅរត់មក ក្រែងបានជាសញ្ញាណថ្មីមួយទៀត។

- ងាយៗដំបូងគ្រាន់តែបើកគេហទំព័រណាក៏បាន ឧទាហរណ៍ www.yahoo.com
- ចូលទៅ address bar ដែលមាននៅផ្នែកខាងលើ web browser រួចលុបឈ្មោះវែបសាយ ដោយជំនួសមកវិញនូវកូដខាងក្រោម៖

អ្នកអាច ចុចទីនេះ ដើម្បីទាញយក Source Code បាន។

សូមចុចទីនេះដើម្បីអានបន្ត!

Sony និង Panasonic សហការគ្នាផលិត Disc ទំហំ 300GB

Tuesday, July 30, 2013 No comments

Sony និង Panasonic ថ្ងៃនេះ បានប្រកាសកិច្ចសហការគ្នាចំពោះគំនិតបង្កើត Optical Disc ជំនាន់ថ្មីមានទំហំអាចផ្ទុកទិន្នន័យបានរហូតដល់ទៅ 300GB ក្នុងឆ្នាំ២០១៥ ខាងមុខ។

Sony បានពន្យល់នៅក្នុងសន្និសីទសារព័ត៌មានសប្ដាហ៍នេះថា ៖ “ប៉ុន្មានឆ្នាំចុងក្រោយនេះ តម្រូវការប្រើប្រាស់ឌីសទំហំធំ មានការកើនឡើងខ្លាំង ហើយមិនត្រឹមតែក្រុមហ៊ុនផលិតខ្សែវីដេអូនោះទេ ក៏នៅមានក្រុមហ៊ុន motion pictures and broadcasting និងក្រុមហ៊ុនបង្កើត cloud data center ដែលគេត្រូវការឱ្យមានទំហំកាន់តែធំឡើងដើម្បីបំពេញសេវាកម្មតាម ការចង់បានអ្នកប្រើ”។
ក្រុមហ៊ុនទាំងពីរ Sony និង Panasonic ប្រើប្រាស់ proven track record ដើម្បីអភិវឌ្ឍបច្ចេកវិទ្យាទម្រង់ Blu-ray Disc format ដើម្បីអនុវត្តស្តង់ដារថ្មីបង្កើត optical disc ជំនាន់ក្រោយជាមួយសមត្ថភាពផ្ទុកទិន្នន័យបានធំជាងមុន”។
ចុចត្រង់នេះ ដើម្បីតាមដានព័ត៌មានបច្ចេកវិទ្យាថ្មីៗ …

សូមចុចទីនេះដើម្បីអានបន្ត!

Friday, July 26, 2013

វចនានុក្រមព្រះពុទ្ធសាសនា បាលី-អង់គ្លេស-ខ្មែរ

Friday, July 26, 2013 No comments

នេះគឺអី្វដែលខ្ញុំបានព្យោយាមធ្វើក្នុងភាសា C# តែនៅមិនទាន់សម្រេចនៅឡើយទេ ព្រោះមិនទាន់បានបង្កើតនូវ Database សម្រាប់ Store ទិន្នន័យ ។

សូមចុចទីនេះដើម្បីអានបន្ត!

សូមស្វាគមន៍មកកាន់គេហទំព័រយើងខ្ញុំ!

សូមស្វាគមន៍មកកាន់គេហទំព័រយើងខ្ញុំ!

សូមស្វាគមន៍មកកាន់គេហទំព័រយើងខ្ញុំ!

សូមស្វាគមន៍មកកាន់គេហទំព័រយើងខ្ញុំ!

សូមស្វាគមន៍មកកាន់គេហទំព័រយើងខ្ញុំ!

សូមស្វាគមន៍មកកាន់គេហទំព័រយើងខ្ញុំ!

សូមស្វាគមន៍មកកាន់គេហទំព័រយើងខ្ញុំ!

សូមស្វាគមន៍មកកាន់គេហទំព័រយើងខ្ញុំ!

អបអរសាទរ ឆ្នាំថ្មី ឆ្នាំសាកល ឆ្នាំ២០១៤!

Tuesday, July 30, 2013

រង្វាន់ 14,000 Sabay Golds សល់ត្រឹម 6,000

Jamison ទទួលរង្វាន់ឌុប

BadMeeTEvilz និង Jamison មកទទួលរង្វាន់យ៉ាងរីករាយនៅសប្ដាហ៍បញ្ចប់

កម្មវិធីកីឡាតាមទូរទស្សន៍ផ្អាកក្រោយការបោះឆ្នោត?

អ្វីទៅជា Multi-touch?

ចំណុចខុសគ្នារវាង Smartphone និង Mobile Phone ដែលគួរយល់ដឹង

Mobile Phone៖

Smartphone៖

លេងស្ទីលរូបភាពរាំទៅមក ដោយប្រើ javascript!

Sony និង Panasonic សហការគ្នាផលិត Disc ទំហំ 300GB

Friday, July 26, 2013

វចនានុក្រមព្រះពុទ្ធសាសនា បាលី-អង់គ្លេស-ខ្មែរ

ព្រះសម្មាសម្ពុទ្ធ

About

ចំនួនសមាជិកគាំទ្រ

ប្រតិទិនប្រទេសកម្ពុជា

ព័ត៌មានប្រចាំខែ

មាតិកា

ឯកសារព័ត៌មាន

ទាញយកឯកសារនានា

រៀនច្រើនចម្រើនប្រាជ្ញា

អបអរសាទរ ឆ្នាំថ្មី ឆ្នាំសាកល ឆ្នាំ២០១៤!

Tuesday, July 30, 2013

Mobile Phone៖

Smartphone៖

Friday, July 26, 2013

Social Profiles

ព្រះសម្មាសម្ពុទ្ធ

About

ចំនួនសមាជិកគាំទ្រ

ប្រតិទិនប្រទេសកម្ពុជា

ព័ត៌មានប្រចាំខែ

មាតិកា

ឯកសារព័ត៌មាន

ទាញយកឯកសារនានា

រៀនច្រើនចម្រើនប្រាជ្ញា