03/15/13 ~ ល្អប្រណីត

Friday, March 15, 2013

Friday, March 15, 2013 No comments

ទីបំផុត Galaxy S IV ចេញជាផ្លូវការហើយ Trackback

Samsung បន្ទាប់ពីបានដៅកាលវិភាគប្រារព្ធឡើងនូវព្រឹត្តិការណ៍ Samsung Unpack Event សម្រាប់ប្រកាស Galaxy S IV ដែលប្រិយមិត្តគ្រប់គ្នាទន្ទឹងរង់ចាំយ៉ាងអន្ទៈសារនោះ ឥឡូវបានលាតត្រដាងយ៉ាងឱឡារឹកនៅក្នងទីក្រុង New York។នៅវេលាម៉ោង ៧យប់ថ្ងៃទី១៤ មីនា ត្រូវនឹងម៉ោង ៦ព្រឹកនេះ (ម៉ោងនៅកម្ពុជា) Samsung បាននាំយក Galaxy S IV ចួលរួមក្នុងព្រឹត្តិការណ៍ដ៏ពិសេសរបស់ខ្លួនយ៉ាងឱឡារឹកដែលប្រារព្ធ ធ្វើឡើងដើម្បីប្រកាស និងបង្ហាញ smartphone Galaxy ជំនាន់ថ្មីទី៤ Galaxy S IV ជាផ្លូវការ។ លក្ខណៈសម្បត្តិ ព្រមទាំងមុខងារបន្ថែមថ្មីមួយចំនួននៅលើ GS IV ដែលគេហទំព័រអន្តរជាតិជាច្រើនបានលើកឡើងជារឿយៗនោះនឹងបង្ហាញនៅ ខាងក្រោមនេះស្រាប់។Galaxy ជំនាន់ថ្មីដែលបានលេចព័ត៌មានយ៉ាងច្រើនកន្លងមក ពេលនេះបានចាប់បដិសន្ធិ ជាមួយលក្ខណៈសម្បត្តិយ៉ាងច្រើនសម្បូរបែប តែវាមានរូបរាងស្រដៀងនឹង Galaxy S III ដែរ ហើយក្រៅពីនេះវាមាន៖

- អេក្រង់ប្រភេទ Super AMOLED ទំហំ ៥អ៊ីញ (1920x1080px)
- ដង់ស៊ីតេភិចហ្សែល 441ppi
- កាមេរ៉ាក្រោយ sharpshooter ទំហំ 13MP និងខាងមុខ 2.1MP ជាមួយមុខងារថ្មី “Dual Camera” អាចប្រើប្រាស់កាមេរ៉ាទាំងពីរក្នុងពេលតែមួយ
- CPU៖ Cortex-A15 ល្បឿន 1.6GHz ចំនួន 4-Core + Cortex-A7 ល្បឿន 1.2GHz ចំនួន 4-Core
- chipset Exynos 5 Octa
- GPU PowerVR SGX 544MP3
- RAM ទំហំ 2GB
- Memory ម៉ាស៊ីនទំហំ 16GB/32GB/64GB ហើយអាចប្រើកាតប្រភេទ microSD រហូតដល់ 64GB បន្ថែមបាន
- ប្រព័ន្ធប្រតិបត្តិការណ៍ Android v4.2.2 (Jelly Bean)
- មុខងារ៖

@ Remote control៖ សម្រាប់បញ្ជាទូរទស្សន៍
@ S Translator៖ ដំណើរការជាមួយអ៊ីមែល និង ChatON ដែលអាចបកប្រែបានយ៉ាងច្រើនភាសា

@ Smart Pause៖ ជាមុខងារថ្មីមានប្រយោជន៍ ដែលវានឹងជួយផ្អាកវីដេអូ “pause”។ ឧទាហរណ៍ នៅពេលអ្នកកំពុងសម្លឹងមើលវីដេអូនៅចំពី មុខអេក្រង់ តែក្រោយមកអ្នកផ្លាស់ប្ដូរទៅសម្លឹងអ្វីផ្សេងដោយទុកទូរស័ព្ទចោល មុខងារថ្មីនេះនឹងបញ្ជាឱ្យវាផ្អាកការលេង (pause) ងាយស្រួលមក មើលបន្តពីចំណុចនោះទៅមុខទៀត។

@ Smart Scroll៖ ជាមុខងារថ្មីប្លែកដែលមានប្រសិទ្ធភាពនៅពេលអ្នកបើកមើលគេហទំព័រណា មួយ ហើយភ្នែករបស់អ្នកសម្លឹងចុះក្រោមនៃអេក្រង់ ទូរស័ព្ទ នោះវានឹងផ្លាស់ប្ដូរទៅទំព័របន្ទាប់ឱ្យអ្នកដោយពុំចាំបាច់បញ្ជា តាមថាច់ស្គ្រីនឡើយ។

@ S Health៖ ជាមុខងារថ្មីសម្រាប់តាមដានសុខភាពរបស់អ្នកដូច៖ វាស់ជាតិខ្លាញ់, សីតុណ្ហភាព និងវាស់ពីសំណើម ជាដើម។ មុខងារនេះពឹងផ្អែក លើ S Band និង Heart Rate។

@ TouchWiz UI៖ ក្រុមហ៊ុនបានធ្វើកំណែប្រែឱ្យកាន់តែល្អជាមុនផងដែរ។
@ Sound Shot៖ ធ្វើឱ្យសំឡេងឮច្បាស់

- តំណភ្ជាប់៖ Wi-Fi 802.11 a/b/g/n/ac, dual-band, DLNA, Wi-Fi Direct, Wi-Fi hotsopt, Bluetooth v4.0, NFC, microUSB v2.0, 4G LTE, Infrared
- ថ្មប្រភេទ Li-Ion ជាមួយកម្រិតថាមពល 2600mAh ហើយក្រុមហ៊ុនក៏បានចេញ Wireless Charging Pad សម្រាប់សាកថ្មមិនប្រើខ្សែជាមួយ GS IV ផងដែរ

- (បxទទ)៖ (១៣៦ម.មx៦៩,៨ម.ម)
- កម្រាស់៖ ៧,៩ម.ម ស្ដើងជាង Galaxy S III ដែលមាន ៨,៦ម.ម
- ទម្ងន់៖ ១៣០ក្រាម ស្រាលជាង GS III ដែលមាន ១៣៣ក្រាម
- ពណ៌៖ ស និងពណ៌ខ្មៅ
- ប្រើ Dropbox ដោយឥតគិតថ្លៃបានរហូត 50GB
- ប្រើស៊ីមកាតប្រភេទ microSIM

ក្រុមហ៊ុនបញ្ជាក់ថា Galaxy S IV នឹងមានលក់នៅលើទីផ្សារអំឡុងខែ មេសាខាងមុខនេះ តែពុំបានប្រាប់ពីតម្លៃនៅឡើយ។ យ៉ាងម៉េចហើយ GS IV រាងស្រដៀង S III ជាមួយលក្ខណៈសម្បត្តិដូចខាងលើ តើប្រិយមិត្តយល់យ៉ាងណាដែរ?
ចុចត្រង់នេះ ដើម្បីតាមដានព័ត៌មានបច្ចេកវិទ្យាថ្មីៗ

សូមចុចទីនេះដើម្បីអានបន្ត!

Friday, March 15, 2013 No comments

Microsoft អះអាង Windows 9 កំពុងស្ថិតក្នុងសង្វាក់ផលិតកម្ម Trackback

Windows 9 បន្ទាប់ពីមានព័ត៌មានមិនច្បាស់ការណ៍មកថា នឹងចេញឱ្យប្រើបានក្នុងខែវិច្ឆិកា ឆ្នាំ ២០១៤ខាងមុខ ឥឡូវនេះហាក់មានពន្លឺច្បាស់បន្តិចហើយ ព្រោះ Microsoft បានបង្ហើបឱ្យដឹងថា ខ្លួនចាប់ដំណើរការអភិវឌ្ឍលើប្រព័ន្ធប្រតិបត្តិការជំនាន់ថ្មី Windows 9 នេះហើយ។

មិន តែប៉ុណ្ណោះថ្មីៗនេះ សារព័ត៌មានអនឡាញ MSFTKitchen ក៏បានអះអាងផងដែរថា Microsoft កំពុងជ្រើសរើសក្រុមវិស្វករជំនាញផ្នែកមុខងារស្វែងរក (Bing Software Engineer) ដើម្បីបង្កើតឱ្យប្រើបាននៅលើ OS ជំនាន់ថ្មី Windows 9។
ក្រុម វិស្វករបានឱ្យដឹងថា “យើងនឹងច្នៃបន្តពីលើបច្ចេកវិទ្យាមួយចំនួនដែលមានស្រាប់នៅលើ Windows 8 ដែលនឹងបន្ថែមបច្ចេកវិទ្យារបស់ WinJS និង HTML5, ការបូកបញ្ចូលមុខងារថ្មីៗបន្ថែមពីលើ IE10 ក្លាយជា IE11, ធ្វើកំណែប្រែបច្ចេកវិទ្យា touch ឱ្យមានលក្ខណៈកាន់តែប្រសើរជាងមុន និងមុខងារផ្សេងៗជាច្រើនទៀត”។

សារព័ត៌មាន ដដែលបានទាក់ទងទៅបុគ្គលិករបស់ Microsoft ម្នាក់ ហើយបុគ្គលិកនោះបានប្រាប់ថា Windows 9 ឥឡូវកំពុងស្ថិតក្នុងសង្វាក់ផលិតកម្មហើយ។ រីឯប្រព័ន្ធប្រតិបត្តិការសម្រាប់ទូរសព្ទ Windows Phone ក៏ដូចគ្នាដែរ។ បុគ្គលិករូបនេះបន្តថា “វិស្វករជំនាញខាងធ្វើតេស្ត software យើងឥឡូវកំពុងធ្វើការជាក្រុម ដើម្បីរកមើលកំហុសឆ្គង Windows Phone 9 ដែលពិសោធន៍បំពាក់ប្រើនៅលើ smart device របស់ Nokia, HTC ក៏ដូចជាផលិតផលរបស់ Qualcomm ផងដែរ”។
ប្រសិនបើសេចក្ដីរាយការណ៍កន្លងមកជារឿងពិត នោះ Microsoft អាចនឹងចេញ Windows 9 ជំនាន់ Beta1 ក្រោយពេលវេលាចេញ Windows 8 ជាផ្លូវការគំលាត ២ឆ្នាំ ដែលត្រូវនឹងខែវិច្ឆិកា ឆ្នាំ២០១៤ ខាងមុខមិនខាន៕
ចុចត្រង់នេះ ដើម្បីតាមដានព័ត៌មានបច្ចេកវិទ្យាថ្មីៗ

សូមចុចទីនេះដើម្បីអានបន្ត!

Friday, March 15, 2013 No comments

យុវជនខ្មែរបញ្ចេញទស្សនៈលើអនាគតរបស់ Nokia Trackback

អ្នក ប្រើប្រាស់មួយចំនួននៅភ្នំពេញហាក់នៅតែមានមន្ទិលសង្ស័យពី ការតស៊ូលើទីផ្សាររបស់Nokia បន្ទាប់ពីនាយកប្រតិបត្តិ របស់ក្រុមហ៊ុននេះ លោក Stephen Elop បានប្រកាសពីការប្ដេជ្ញា ផ្ទួលApple និង Samsung ដណ្តើមយកទីផ្សាររបស់ខ្លួនឡើងវិញ ក្នុងពេលដ៏ខ្លីខាងមុខ។

បញ្ហាដែលសំខាន់នោះប្រព័ន្ធប្រតិបត្តិការដែលកំពុងតែពេញនិយមលើទីផ្សារ Smartphone បច្ចុប្បន្ននេះ គឺ Android និង iOS ខណៈដែល Nokia នៅតែបន្ត និងស្អិតជាប់ដូចស្ករតាំងម៉ែជាមួយ Windows Phone។
តោះ! ទៅស្តាប់ទស្សនៈរបស់មិត្តយុវវ័យបន្តិចទៅមើល តើពួកគេយល់ឃើញបែបណាដែរពីការលើកឡើងរបស់ថ្នាក់ដឹកនាំជាន់ខ្ពស់ របស់ Nokia មួយនេះ?

លោក ពុទ្ធិ Graphic Designer នៅក្រុមហ៊ុនឯកជនមួយបានបញ្ចេញមតិថា “បើចង់ប្រជែងជាមួយគេ ទាល់តែ Nokia ប្ដូរ OS ចេញ”។ លោកសង្កេតឃើញថា មិនថាអ្នកប្រើទូរសព្ទក្នុងប្រទេសខ្មែរ ឬក៏ប្រទេសផ្សេងៗទេ Windows Phone ដូចជាមិនសូវមានអ្នកគាំទ្រសោះ ទោះបីជា Nokia ឥឡូវហ្នឹងប្រើ Window 8 យ៉ាងណាក៏ដោយ។

ងាក មកនិយាយពីរឿង Hardware របស់ Nokia វិញ កញ្ញា ម៉ូនីកាជាអ្នកពិនិត្យទំនិញនៅក្នុងរោងចក្រម្ដុំច្បារអំពៅបាន ស្ដែងថា ឥឡូវហ្នឹង Color ទូរស័ព្ទ Samsung និង iPhone ច្បាស់ណាស់ ប៉ុន្តែ Nokia មាន Color ដូចជាមិនសូវម៉ត់ដូចគេទេ។ ដូច្នេះបើចង់ប្រជែងគេមែន Nokia គួរតែគិតពី Hardware របស់ខ្លួនឯងផង។
មតិស្របគ្នាទៅនឹង កញ្ញា ថ្ពាល់ខួចខាងលើ លោក វិសាល ជាគ្រូបង្រៀនភាសាអស់គ្លេស នៅសាលាឯកជន ELT បានបញ្ជាក់បន្ថែមថា បច្ចុប្បន្ននេះ Smartphone Samsung និង Apple មាន Color អេក្រង់កម្រិត Full HD អស់ហើយ តែទូរសព្ទ Nokia សព្វថ្ងៃនេះវិញមានកម្រិតត្រឹមតែ HD ប៉ុណ្ណោះ។ ម្យ៉ាងទៀត CPU នៃ Smartphone Nokia អត់លឿនដូចគេទេ ដូច្នេះ Hardware ក៏ផ្នែកមួយដ៏សំខាន់ដែរ ដែល Nokia ត្រូវតែកែប្រែដែរ ព្រោះ Hardware និង CPU ខ្លាំង វាអាចដំណើរការកម្មវិធីផ្សេងៗបានលឿន។

និយាយ ដល់រឿង Software លោក វិសាល បានបញ្ចេញមតិងឿងឆ្ងល់ថា ថ្មីនេះសារព័ត៌មានជាច្រើនបានប្រកាសថា Windows Phone មានកម្មវិធីដាក់ឲ្យដោនឡូតយកជាង ១ សែនកម្មវិធី ប៉ុន្តែOS មួយនេះ នៅតែមិនមានអ្នកច្រើនដូច Android និង iOS។
រង់ចាំមើលទាំងអស់ គ្នា តើ Nokia នឹងយកឈ្នះ Samsung និង Apple ដោយវិធីណាខ្លះ? ចុះចំណែកប្រិយមិត្តវិញ តើអ្នកគិតថាមានផ្លូវទេ សម្រាប់ Nokia ក្នុងសង្គ្រាមទីផ្សារទូរសព្ទនេះ?

សូមចុចទីនេះដើម្បីអានបន្ត!

Friday, March 15, 2013 No comments

ដឹងទេ Smart device ជាង ៧៥០ លានគ្រឿងប្រើ Android! Trackback

ថ្មីៗនេះនាយកប្រតិបត្តិ Google លោក Larry Page បានប្រកាសតួលេខ smart device ដែលដំណើរការជាមួយប្រព័ន្ធប្រតិបត្តិការ Android របស់ខ្លួនសព្វថ្ងៃមានរហូតដល់ ៧៥០លានគ្រឿងហើយ។

មកដល់ពេលនេះ ឧបករណ៍ដែលប្រើប្រព័ន្ធប្រតិបត្តិការ Android របស់ Google មានកំណើនដល់ ៧៥០លានគ្រឿង កើនឡើងជាឆ្នាំទៅមិញកាលពីខែកញ្ញា មានត្រឹម ៥០០លានគ្រឿងប៉ុណ្ណោះ។
បើ តាមការវាយតម្លៃពីស្ថាប័នស្រាវជ្រាវ Gartner និងស្ថាប័នវិភាគផ្សេងៗទៀតបានលើកឡើងថា សព្វថ្ងៃនេះ Android ជាប្រព័ន្ធប្រតិបត្តិការមួយដែលទទួលបានប្រជាប្រិយភាពប្រើយ៉ាង ខ្លាំង និងបានក្ដាប់ចំណែកទីផ្សារធំបំផុតលើពិភពលោក ដែលពុំទាន់មាន OS ណាអាចជែងឈ្នះនៅឡើយ។
Google បានគូសបញ្ជាក់ឱ្យដឹងថា សព្វថ្ងៃខ្លួនមានដៃគូសហការផលិត smart device ដែលដំណើរការដោយ Android OS ទូទាំងពិភពលោកជាង ៦០រោងចក្រ ដែលនេះជាកត្តាជំរុញឱ្យប្រព័ន្ធប្រតិបត្តិការរបស់ខ្លួនមានសន្ទុះ កើនឡើង។ មិនតែប៉ុណ្ណោះក្រុមហ៊ុនក៏បានឱ្យដឹងទៀតថា មកដល់ពេលនេះ អតិថិជន Android បានទាញយក app ពី Google Play ប្រមាណ ២៥ពាន់លានដង (downloaded)។
ជាមួយ គ្នានេះ បើស្ថាប័នវិភាគដដែលបានប្រមើលមើលថា ចំនួនឧបករណ៍ដែលប្រើ Android OS នឹងកើនឡើងរហូតដល់ ១ពាន់នៅពាក់កណ្ដាលខែសីហា ឆ្នាំ២០១៣ខាងមុខ។
ចុចត្រង់នេះ ដើម្បីតាមដានព័ត៌មានបច្ចេកវិទ្យាថ្មីៗ

សូមចុចទីនេះដើម្បីអានបន្ត!

Friday, March 15, 2013 No comments

ពន្លឺថ្មីពីការព្យាបាលវីរុស HIV! Trackback

ការប្រញាប់ព្យាបាលនៅពេលដែលដឹងថា ខ្លួនឆ្លងវីរុសហ៊ីវអាចជួយមនុស្សម្នាក់ក្នុងចំណោម ១០ នាក់ ជាសះស្បើយបាន។ នេះជាការលើកឡើងរបស់ក្រុមអ្នកស្រាវជ្រាវក្នុងប្រទេសបារាំង។

ការសិក្សានេះធ្វើឡើងលើក្រុមមនុស្សមួយក្រុមដែលអ្នកស្រាវជ្រាវ ឲ្យឈ្មោះថា Visconti។ អ្នកចូលរួមទាំងនោះសុទ្ធតែទើបនឹងឆ្លងវីរុស HIV ជំហានដំបូង ពោលគឺ ១០ សប្ដាហ៍ចុះក្រោម។ ពួកគេបានប្រើប្រាស់ថ្នាំប្រឆាំងមេរោគម៉្យាងឈ្មោះ Antiretroviral ក្នុងរយៈពេល ៣ ឆ្នាំ និងក្រោយមកបញ្ឈប់។

ម្នាក់ក្នុងចំណោមអ្នកផ្ទុកវីរុស HIV ១០នាក់ មានសុខភាពធម្មតាដោយវីរុសមិនអាចរីករាលដាលបន្ថែមក្នុងប្រព័ន្ធ ភាពស៊ាំឡើយ។ ជាធម្មតា នៅពេលអ្នកជំងឺឈប់ប្រើថ្នាំ វីរុសនឹងកើនឥទ្ធិពលខ្លាំងក្លាវិញ។

លោកវេជ្ជបណ្ឌិត Asier Saez-Cirion មកពីវិទ្យាស្ថានប៉ាស្ទ័រក្រុងប៉ារីសបាននិយាយថា “ភាគច្រើននៃអ្នកជំងឺដែលទទួលបានការព្យាបាលនេះមិនអាចទប់ទល់ នឹងវីរុសបានទេ ប៉ុន្តែមួយចំនួននៃពួកគេអាចទប់ទល់បាន។”

បើទោះនេះជា ពន្លឺដ៏ល្អសម្រាប់ការព្យាបាលជំហានដំបូង ក៏ក្រុមអ្នកស្រាវជ្រាវមិនច្បាស់ថា ហេតុអ្វីបានជាការព្យាបាលនេះមានប្រសិទ្ធភាពលើមនុស្សម្នាក់ក្នុង ចំណោម ១០ នាក់ប៉ុណ្ណោះ ហើយចំណុចមួយទៀតដែលស្រពិចស្រពិលដែរនោះគឺ ថាអ្នកជំងឺម្នាក់ដែលអាចធូរស្បើយពីវីរុស HIV នេះបាន អាចនឹងមានឱកាសកើតឡើងវិញដែរឬទេ? ហើយបើអាចកើតមានវិញ តើក្នុងរយៈពេលប៉ុន្មាន?

មុននេះមានព័ត៌មានដែរថា ទារិកានៅ សហរដ្ឋអាមេរិកម្នាក់ដែលផ្ទុកវីរុស HIV ត្រូវបានគ្រូពេទ្យព្យាបាលជាសះស្បើយ បន្ទាប់ពីទទួលការព្យាបាលដោយប្រើប្រាស់ឱសថវេជ្ជសាស្ត្រស្តង់ដារ ក្នុងវិធីព្យាបាល Cocktails ដោយប្រើថ្នាំច្រើនមុខបញ្ចូលគ្នា៕

សូមចុចទីនេះដើម្បីអានបន្ត!

Friday, March 15, 2013 No comments

រៀនរៀបចំជីវិតក្នុងសម័យទំនើប! Trackback

“ការរៀបចំជីវិត ក្នុងសម័យទំនើប” គឺជាប្រធានបទ នៃសិក្ខាសាលាមួយ ដែលនឹងប្រព្រឹត្តិទៅនៅថ្ងៃទី២៣ ខែមីនា ឆ្នាំ២០១៣ខាងមុខនេះ នៅសាកលវិទ្យាល័យជាតិគ្រប់គ្រង។ ប្រជាពលរដ្ឋសិស្ស និស្សិតជាពិសេសអ្នកដែលកំពុងស្វែងរកការងារធ្វើ អាចចូលរួមវគ្គបណ្ដុះបណ្ដាលនេះដោយឥតគិតថ្លៃ ដើម្បីទទួលបាននូវចំណេះដឹង ការកសាងសក្តានុពលរបស់ខ្លួន ជាពិសេសទាក់ទងនឹងការស្វែងរកកការងារធ្វើ។

វគ្គបណ្ដុះបណ្ដាលរៀបចំឡើងដោយក្រុមហ៊ុន Human to Human Cambodia ដែលក្រុមហ៊ុននេះ ធ្វើការពាក់ ព័ន្ធនឹងការជ្រើសរើសបុគ្គលិក ការប្រឹក្សាយោបល់ទាក់ទងនឹងការសិក្សាជាដើម។
កញ្ញាចាប ចំរើន គុណកើត នាយកគ្រប់គ្រងក្រុមហ៊ុន Human to Human Cambodia បាននិយាយថា កម្មវិធីនេះត្រូវបានរៀបចំឡើង ក្នុងគោលបំណងឲ្យប្រជាពលរដ្ឋយល់ដឹងពីសក្កានុពលរបស់ខ្លួន ចេះប្រើប្រាស់ចំណេះរបស់ខ្លួន យល់ដឹងពីភាពខ្លាំង និងភាពខ្សោយរបស់ខ្លួន ដើម្បីយកទៅអភិវឌ្ឍជីវិត។
សិក្ខាសាលា នេះ នឹងអញ្ជើញអ្នកមានបទពិសោធន៍ក្នុងការងារចែករំលែក ចំណេះដឹងទៅដល់សិក្ខាកាម។ នេះជាការលើកឡើងរបស់កញ្ញាចាប ចំរើនគុណកើត។
សិក្ខាសាលានេះ ប្រជាពលរដ្ឋ សិស្សនិស្សិត អាចចូលរួមដោយឥតគិតថ្លៃ ដោយទាក់ទងទៅកាន់លេខ0៧៧ ៦៨ ៩៩ ៩០ ឬ០១៦ ៦៨ ៩៩ ៩០។ ម្យ៉ាងវិញទៀត ប្រសិនបើនិស្សិតដែលចង់ស្វែងរកការងារធ្វើ ឬប្រឹក្សាយោបល់ទាក់ទងនឹងការសិក្សា អាចខលទៅកាន់លេខ ០២៣ ៩៩ ០០ ៩៨ ឬ០២៣ ៦៣៣ ៦៦ ២៧ ឬទៅកាន់អាសយដ្ឋាន ផ្ទះលេខ៣៧C សង្កាត់ ការកាប ខ័ណ្ឌពោធិ៍សែនជ័យ រាជធានីភ្នំពេញ។ សេវាកម្មទាំងនេះ ក្រុមហ៊ុន នឹងផ្ដល់ការប្រឹក្សាដោយឥតគិតថ្លៃ៕
តើមិត្តយុវវ័យចង់ចូលរៀនដែរទេ?

សូមចុចទីនេះដើម្បីអានបន្ត!

សូមស្វាគមន៍មកកាន់គេហទំព័រយើងខ្ញុំ!

សូមស្វាគមន៍មកកាន់គេហទំព័រយើងខ្ញុំ!

សូមស្វាគមន៍មកកាន់គេហទំព័រយើងខ្ញុំ!

សូមស្វាគមន៍មកកាន់គេហទំព័រយើងខ្ញុំ!

សូមស្វាគមន៍មកកាន់គេហទំព័រយើងខ្ញុំ!

សូមស្វាគមន៍មកកាន់គេហទំព័រយើងខ្ញុំ!

សូមស្វាគមន៍មកកាន់គេហទំព័រយើងខ្ញុំ!

សូមស្វាគមន៍មកកាន់គេហទំព័រយើងខ្ញុំ!

អបអរសាទរ ឆ្នាំថ្មី ឆ្នាំសាកល ឆ្នាំ២០១៤!

Friday, March 15, 2013

ទីបំផុត Galaxy S IV ចេញជាផ្លូវការហើយ Trackback

Microsoft អះអាង Windows 9 កំពុងស្ថិតក្នុងសង្វាក់ផលិតកម្ម Trackback

យុវជនខ្មែរបញ្ចេញទស្សនៈលើអនាគតរបស់ Nokia Trackback

ដឹងទេ Smart device ជាង ៧៥០ លានគ្រឿងប្រើ Android! Trackback

ពន្លឺថ្មីពីការព្យាបាលវីរុស HIV! Trackback

រៀនរៀបចំជីវិតក្នុងសម័យទំនើប! Trackback

ព្រះសម្មាសម្ពុទ្ធ

About

ចំនួនសមាជិកគាំទ្រ

ប្រតិទិនប្រទេសកម្ពុជា

ព័ត៌មានប្រចាំខែ

មាតិកា

ឯកសារព័ត៌មាន

ទាញយកឯកសារនានា

រៀនច្រើនចម្រើនប្រាជ្ញា

អបអរសាទរ ឆ្នាំថ្មី ឆ្នាំសាកល ឆ្នាំ២០១៤!

Friday, March 15, 2013

ទីបំផុត Galaxy S IV ចេញ​ជា​ផ្លូវការ​ហើយ Trackback

Microsoft អះអាង Windows 9 កំពុង​ស្ថិតក្នុង​សង្វាក់ផលិតកម្ម Trackback

យុវជនខ្មែរ​បញ្ចេញ​ទស្សនៈលើអនាគតរបស់ Nokia Trackback

ដឹង​ទេ Smart device ជាង ៧៥០ លាន​គ្រឿង​ប្រើ Android! Trackback

ពន្លឺ​ថ្មី​​​ពី​ការ​ព្យាបាល​វីរុស HIV! Trackback

រៀន​រៀប​ចំ​ជីវិត​ក្នុង​សម័យ​ទំនើប! Trackback

Social Profiles

ព្រះសម្មាសម្ពុទ្ធ

About

ចំនួនសមាជិកគាំទ្រ

ប្រតិទិនប្រទេសកម្ពុជា

ព័ត៌មានប្រចាំខែ

មាតិកា

ឯកសារព័ត៌មាន

ទាញយកឯកសារនានា

រៀនច្រើនចម្រើនប្រាជ្ញា

ទីបំផុត Galaxy S IV ចេញជាផ្លូវការហើយ Trackback

Microsoft អះអាង Windows 9 កំពុងស្ថិតក្នុងសង្វាក់ផលិតកម្ម Trackback

យុវជនខ្មែរបញ្ចេញទស្សនៈលើអនាគតរបស់ Nokia Trackback

ដឹងទេ Smart device ជាង ៧៥០ លានគ្រឿងប្រើ Android! Trackback

ពន្លឺថ្មីពីការព្យាបាលវីរុស HIV! Trackback

រៀនរៀបចំជីវិតក្នុងសម័យទំនើប! Trackback