ខេមរៈ សិរីមន្ត មកចូលរួមបុណ្យ៧ថ្ងៃកូនលោក កុយ Trackback
ក្រោយមានការទស្សន៍ទាយពីទស្សនិកជនរៀងៗខ្លួន ថាតើលោក សិរីមន្ត នឹងទៅចូលរួមបុណ្យខួប ៧ថ្ងៃ របស់សពសមាជិកក្រុមរាំលោក ឬអត់។ ពេលនេះ ចម្លើយត្រូវបានចេញមកហើយ បន្ទាប់ពីបានលេចមុខក្រឡឺមក្នុងខួប៧ថ្ងៃ កូនលោក កុយ អម្បាញមិញនេះ(៧:៣០នាទី)។
ភ្នាក់
ងារព័ត៌មានយើង ដែលប្រចាំការនៅក្នុងពិធីបុណ្យនេះដែរ
បានរាយការណ៍មកថា លោក ខេមរៈ បានមកចូលរួមបុណ្យ ៧ ថ្ងៃសពកូនលោក កុយ
មុននេះ ដោយមកជាមួយឪពុក និងបងប្អូនរបស់លោក
តាមរយៈរថយន្តកូរ៉ូឡាមួយគ្រឿង។ ប៉ុន្តែលោក មិនបាននៅយូរទេ
គឺគ្រាន់តែមកចូលបុណ្យមួយភ្លែតហើយក៏ចេញវិញមកភ្លាម។យ៉ាងណាក៏ដោយ ការដែលអត់ហ៊ាននៅយូរ មិនមែនលោក ខ្លាចគេឃើញទេ ប៉ុន្តែមកពីលោកមានការប្រញាប់។ លោក សិរីមន្ត បានឆ្លើយតបនឹងភ្នាក់ងារយើងថា លោកប្រញាប់ទៅចូលរួមបុណ្យ៧ថ្ងៃ សមាជិកក្រុមរាំរបស់លោកម្នាក់ទៀត គឺខួបឈ្មោះ សោម សុវណ្ណារិទ្ធ ហៅ ហឿន។ ថ្ងៃស្អែកទី ១៣ មីនា លោក នឹងចូលរួមបុណ្យខួប ៧ ថ្ងៃលោក អ៊ាច វណ្ណៈ កូនប្រុស យាយ ណាង ទៀត។
លោក ខេមរៈ សិរីមន្ត ប្រាប់តែប៉ុណ្ណឹងក៏ចេញទៅ ដោយមិននិយាយអ្វីទៀតទេ។ លោក ប្រាប់ថា ព័ត៌មានផ្សេងៗលោក នឹងបកស្រាយក្នុងសន្និសីទសារព័ត៌មានថ្ងៃទី ១៤ មីនា ខានស្អែកនេះ នៅផលិតកម្មសាន់ដេ។
ថ្ងៃខានស្អែក ទី ១៤ មីនានេះ ផលិតកម្ម សាន់ដេ ដែលជាទ្រនំរឹងមាំរបស់លោក នឹងរៀបចំសន្និសីទសារព័ត៌មានមួយ ដើម្បីឲ្យលោក សិរីមន្ត បកស្រាយបញ្ហានានាដែលពាក់ព័ន្ធនឹងករណីគ្រោះថ្នាក់ចរាចរណ៍ដ៏អាក្រក់ ដែលបានកើតលើរូបលោក និងក្រុមការងារកាលពីយប់ថ្ងៃទី ០៧ មីនា កន្លងទៅ។
ដូច្នេះសូមរង់ចាំតាមដាន ព័ត៌មានពីសន្និសីទសារព័ត៌មាននេះ របស់លោក ខេមរៈ សិរីមន្ត ជាមួយ Sabay៕
0 comments:
Post a Comment