ថវិកាបន្តិចបន្តួចរបស់អ្នកអាចផ្លាស់ប្ដូរជីវិតក្មេងអនាថាកម្ពុជា Trackback
អង្គការមិត្តសំឡាញ់នឹងរៀបចំពិធីរៃអង្គាសមនុស្សធម៌មួយនាពេលដ៏
ខ្លីខាងមុខដើម្បីឲ្យប្រជាជនកម្ពុជាមានឱកាសចូលរួមផ្សារភ្ជាប់
ទំនួលខុសត្រូវរបស់ពួកគេនឹងសង្គម។
ពាក់ព័ន្ធនឹងការរៀបចំពិធីនេះ អ្នកយកព័ត៌មាន Sabay
បានសុំធ្វើបទសម្ភាសតាមអ៊ីមែលជាមួយនឹងអ្នកសម្របសម្រួលផ្នែក
ទំនាក់ទំនងអន្តរជាតិនៃអង្គការមិត្តសំឡាញ់អន្តរជាតិគឺលោក James
Sutherland។ ខាងក្រោមជាបទសម្ភាសន៍ទាំងស្រុង៖
Sabay៖ តើលោកអាចរៀបរាប់ពីមុខងារ និងស្ថាប័នរបស់លោកដោយសង្ខេបបានទេ?
James Sutherland៖ ខ្ញុំ បាទឈ្មោះ James Sutherland ជាអ្នកសម្របសម្រួលផ្នែកទំនាក់ទំនងអន្តរជាតិនៃអង្គការ Friend-International។ Friend International គឺជាស្ថាប័នសង្គមនាំមុខមួយដែលបង្កើតឡើងក្នុងប្រទេសកម្ពុជានៅ ឆ្នាំ១៩៩៤។ អង្គការនេះធ្វើការជាមួយក្មេងៗ យុវជនវ័យក្មេង គ្រួសារ និងសហគមន៍ជនអនាថាឲ្យពួកគេអាចទទួលបានសេវាកម្មមួយចំនួន រួមមានការអប់រំ និងវគ្គបណ្ដុះបណ្ដាលផ្សេងៗដើម្បីកែប្រែខ្លួនទៅជាបុគ្គលមាន ប្រយោជន៍នៃសង្គម។ បច្ចុប្បន្ននេះស្ថាប័ននេះបានទទួលការស្ងើចសរសើរជាច្រើនដោយសារ ការចូលរួមចំណែកនៅក្នុងសង្គមនេះ នឹងត្រូវបានគេបោះឆ្នោតឲ្យជាប់ជា “អង្គការក្រៅរដ្ឋាភិបាលកំពូលទាំង ១០០ ក្នុងលោកពីរឆ្នាំជាប់គ្នា (២០១២ និង ២០១៣) ពីទិនានុប្បវត្តិសាកល (The Global Journal)។
James Sutherland៖ ខ្ញុំ បាទឈ្មោះ James Sutherland ជាអ្នកសម្របសម្រួលផ្នែកទំនាក់ទំនងអន្តរជាតិនៃអង្គការ Friend-International។ Friend International គឺជាស្ថាប័នសង្គមនាំមុខមួយដែលបង្កើតឡើងក្នុងប្រទេសកម្ពុជានៅ ឆ្នាំ១៩៩៤។ អង្គការនេះធ្វើការជាមួយក្មេងៗ យុវជនវ័យក្មេង គ្រួសារ និងសហគមន៍ជនអនាថាឲ្យពួកគេអាចទទួលបានសេវាកម្មមួយចំនួន រួមមានការអប់រំ និងវគ្គបណ្ដុះបណ្ដាលផ្សេងៗដើម្បីកែប្រែខ្លួនទៅជាបុគ្គលមាន ប្រយោជន៍នៃសង្គម។ បច្ចុប្បន្ននេះស្ថាប័ននេះបានទទួលការស្ងើចសរសើរជាច្រើនដោយសារ ការចូលរួមចំណែកនៅក្នុងសង្គមនេះ នឹងត្រូវបានគេបោះឆ្នោតឲ្យជាប់ជា “អង្គការក្រៅរដ្ឋាភិបាលកំពូលទាំង ១០០ ក្នុងលោកពីរឆ្នាំជាប់គ្នា (២០១២ និង ២០១៣) ពីទិនានុប្បវត្តិសាកល (The Global Journal)។
Sabay៖ ឮថា អង្គការរបស់លោកនឹងរៀបចំកម្មវិធីរៃអង្គាសមនុស្សធម៌មួយនាពេលខាងមុខ។ តើកម្មវិធីនេះធ្វើឡើងក្នុងគោលបំណងអ្វី?
James Sutherland៖ ការ
រៃអង្គាសមនុស្សធម៌ខាងមុខគឺធ្វើឡើងដើម្បីរៃអង្គាសគាំទ្រដល់
កម្មវិធីមិត្តសំឡាញ់របស់អង្គការ Friends
ក្នុងទីក្រុងភ្នំពេញ។ មិត្តសំឡាញ់ជាកម្មវិធីមួយផ្ដល់ទាំងអប់រំ
និងសកម្មភាពវប្បធម៌ដទៃដូចជា សិល្បៈ ការរាំ តន្ត្រី
និងសកម្មភាពមួយចំនួនទៀតដើម្បីឲ្យយុវជនអាចបង្ហាញពីសមត្ថភាព
ខ្លួនក្នុងដំណើរក្លាយខ្លួនជាពលរដ្ឋដ៏ល្អរបស់ប្រទេសជាតិពួកគេ។
កម្មវិធីនេះមានសិស្សចូលសិក្សាប្រហែល ៨០០ នាក់រៀងរាល់ថ្ងៃ។
លោក James Sutherland អ្នកសម្របសម្រួលផ្នែកទំនាក់ទំនងអន្តរជាតិ
នៃអង្គការ Friend-International
នៃអង្គការ Friend-International
Sabay៖ លោកអាចពន្យល់បានទេថា ការរៃអង្គាសមនុស្សធម៌សំខាន់ចំពោះសង្គមប៉ុណ្ណា?
James Sutherland៖ ការ
ជួយគ្នាជាសភាវគតិរបស់មនុស្ស។ ជាស្ថាប័នសង្គមមួយ
យើងចង់ពឹងផ្អែកលើថវិកាខ្លួនឯង
និងរក្សាស្ថិរភាពផ្ទាល់ខ្លួនផងដែរ
ប៉ុន្តែការធ្វើបែបនោះតម្រូវឲ្យមានពេលវេលាច្រើន
ដូច្នេះការរៃអង្គាសជាផ្នែកមួយដើម្បីជួយបំពេញចន្លោះក្នុង
ផ្នែកថវិកា ដើម្បីអាចឲ្យយើងបន្តសកម្មភាពជួយដល់ជនអនាថា
និងបង្កើតភាពវិជ្ជមានដល់ជីវិតរបស់ពួកគេ។
Sabay៖ ជាអ្នករៀបចំកម្មវិធីនេះ តើលោកជួបផលលំបាកអ្វីខ្លះ ក្នុងការបញ្ចុះបញ្ចូលឲ្យមនុស្សទូទៅរួមចំណែក?
James Sutherland៖ យើង
បានទទួលការគាំទ្រជាច្រើនហើយដែរពីសំណាក់តារាសម្ដែង
អ្នកសិល្បៈ និងការឧបត្ថម្ភពីក្រុមហ៊ុននានាដូចជា ក្រុមហ៊ុន
Sabay ជាដើម។ ប៉ុន្តែអ្វីដែលយើងចង់បានគឺ
មានការចូលរួមពីសំណាក់សាធារណជន ដើម្បីឲ្យពួកគេបានដឹង
និងគាំទ្រព្រឹត្តិការណ៍នានា ដែលផ្ដល់ប្រយោជន៍ដល់សង្គម។
ការបញ្ជ្រាបដល់ស្រទាប់មហាជនទូទៅជារឿងមួយដ៏លំបាក។
Sabay៖ តើលោកយល់យ៉ាងណា ចំពោះផ្នត់គំនិតប្រជាជនកម្ពុជាចំពោះសកម្មភាពរៃអង្គាសដូចអ្វីដែលលោកកំពុងធ្វើនេះ?
James Sutherland៖ ប្រជាជន
កម្ពុជាជាមនុស្សដែលមានសន្ដានចិត្តល្អ និងចេះឈឺឆ្អាល
ប៉ុន្តែវប្បធម៌រៃអង្គាសមិនសូវមានច្រើននៅក្នុងសង្គមខ្មែរនៅ
ឡើយ។ ដូច្នេះយើងនឹងធ្វើការផ្សព្វផ្សាយជាភាសាខ្មែរផងដែរ
ដើម្បីឲ្យប្រជាជនខ្មែរមានការងឿងឆ្ងល់
និងចូលរួមក្នុងកម្មវិធីដ៏មានអត្ថន័យចំពោះយុវជនវ័យក្មេង
កម្ពុជា។
Sabay៖ តើលោករំពឹងថា នឹងមានមនុស្សប៉ុន្មាននាក់ចូលរួមក្នុងកម្មវិធីខាងលើ?
James Sutherland៖ យើង
ចង់ឲ្យកម្មវិធីនេះទទួលជោគជ័យខ្លាំង។
កាលពីពេលកន្លងទៅយើងបានធ្វើកម្មវិធីស្រដៀងគ្នានេះដែរដោយមាន
មនុស្សចូលរួមប្រហែល ១ ពាន់នាក់។ ដូច្នេះ
កម្មវិធីលើកនេះខ្ញុំសង្ឃឹមថា
នឹងមានអ្នកចូលរួមច្រើនជាងលើកមុន។
Sabay៖ តើកម្មវិធីរៃអង្គាសមនុស្សធម៌នេះនឹងធ្វើឡើងនៅកន្លែងណា ពេលណាដែរ?
James Sutherland៖ កម្មវិធី
នេះនឹងត្រូវធ្វើឡើងនៅថ្ងៃសៅរ៍ទី ២៣ មីនា
នៅអង្គការមិត្តសំឡាញ់ អគារលេខ ២៥១ ផ្លូវលេខ ១៣
(ក្បែរសារមន្ទីរជាតិ) ពីម៉ោង២ រសៀលដល់ម៉ោង ៦ ល្ងាច។
ក្នុងនាមជាស្ថាប័នមួយដែលតែងរួមចំណែកចំពោះការងារសង្គម
ក្រុមហ៊ុន Sabay
ក៏បានចូលរួមឧបត្ថម្ភចំពោះសកម្មភាពមនុស្សធម៌ខាងលើផងដែរ។
ចុះអ្នកវិញ ចង់ចូលរួមការងារមនុស្សធម៌នេះដែរឬទេ?
0 comments:
Post a Comment