អបអរសាទរ ឆ្នាំថ្មី ឆ្នាំសាកល ឆ្នាំ២០១៤!

Sunday, June 2, 2013

Global Art ​ដំបូង​ជោគជ័យនៅ​កម្ពុជា ខណៈ​កុមារ​​ជាង ៥០០នាក់ ចូល​រួម​ប្រកួត​ផាត់​ពណ៌


 ទោះ ​បី​ជា​លើក​ដំបូង​នៅ​កម្ពុជា​យ៉ាងណា​ក្ដី ប៉ុន្តែ​ការ​ប្រកួត​ផាត់​ពណ៌ ឬ​ Global Art បាន​ទទួល​ជោគជ័យ​ព្រោះ​មាន​អ្នក​ចូលរួម​ច្រើន​ដល់​ទៅ​ជាង ៥០០នាក់​។ នេះ​បើ​យោង​តាម​អ្នក​ស្រី យឹម រ៉ាដែត អ្នក​គ្រប់​គ្រង​ទូទៅ​កម្មវិធី​នេះ។
នៅ ​ក្នុង​ជំនួប​មួយ អ្នក​គ្រប់គ្រង​កម្មវិធី​ខាង​លើ​ បាន​ឲ្យ​ដឹង​ថា Global Art គឺ​បង្កើត​ឡើង​ក្នុង​គោល​បំណង​បំផុស​ការ​ចាប់​អារម្មណ៍​ពី​ឪពុក​ម្ដាយ​ ឲ្យ​ស្វែង​យល់​អំពី​គំនិត​ច្នៃ​ប្រឌិត​របស់​កូន។ ម្យ៉ាង​ទៀត នេះ​ក៏​ជា​ការ​ផ្ដល់​ឱកាស​សម្រាប់​កុមារ​បាន​បង្ហាញ​ពី​ទេពកោសល្យ និង​ក្ដី​ស្រមៃ​របស់​ពូក​គេ​ផង​ដែរ។ អ្នក​ស្រី​និយាយ​ថា ” ពេល​ខ្លះ​យើង​អត់​ដឹង​ថា ក្មេង​មាន​ទេពកោសល្យ​យ៉ាង​ម៉េច​ទេ ហើយ​ពូក​គេ​ ក៏​គ្មាន​ឱកាស​បាន​បញ្ចេញ​មក​ក្រៅ​ដែរ ទើប​យើង​បង្កើត​ឲ្យ​មាន​កម្មវិធី​នេះ”។
ទន្ទឹម​គ្នា​នឹង​ចំណុច​ខ្វះ​ ខាត​មួយ​ចំនួន អ្នក​គ្រប់គ្រង​ខាង​លើ នៅ​តែ​ទទួល​ស្គាល់​ថា Global Art ទទួល​បាន​ជោគជ័យ​លើស​ពី​ការ​រំពឹង​ទុក ខណៈ​មាន​កុមារ​ចូលរួម​ប្រកួតប្រជែង​រហូត​ ៥៧០​នាក់ និង​មាន​ឪពុក​ម្ដាយ​របស់​ពូក​គេ​ ចូលរួម​ជា​ច្រើន​ទៀត។ ក្មេង​ទាំង​អស់​ត្រូវ​បាន​បែង​ចែក​ជា​បី​ក្រុម​ទៅ​តាម​អាយុ​របស់​ពួក​គេ ក្នុង​នោះ​បាន​រក​ឃើញ​ជយលាភី​សម្រាប់​ក្រុម​នីមួយៗ​រួច​ហើយ​ដែរ។
អ្នក ​ស្រី​បន្ត​ថា “យើង​ត្រៀម​បញ្ជូន​ជយលាភី​ទាំង​៣​នាក់​នេះ​ ទៅ​ចូលរួម​ប្រកួត​ប្រជែង​ជា​លក្ខណៈ​អន្តរជាតិ​លើ​កោះ​បាលី​ប្រទេស​ ឥណ្ឌូណេស៊ី​ជា​បន្ត​ទៀត”។ អ្នក​ស្រី​មិន​បាន​បង្ហាញ​សុទិដ្ឋិនិយម​ថា យ៉ាង​ណា​នោះ​ទេ ចំពោះ​ការ​ប្រកួត​ប្រជែង​លក្ខណៈ​អន្តរជាតិ​លើក​នេះ។ ប៉ុន្តែ​នេះ​ជា​ជំហាន​ថ្មី​មួយ​ទៀត ​អ្នក​ស្រីបញ្ជាក់​ថា នឹង​ខិតខំ​ធ្វើ​ឲ្យ​ល្អ​ជាង​នេះ​បន្ថែម​ទៀត​នៅ​ឆ្នាំ​ក្រោយ ដោយ​ជំរុញ​ឲ្យ​មាន​ការ​ចូលរួម​កាន់​តែ​ច្រើន​ជាង​ឆ្នាំ​នេះ។
Global Art ត្រូវ​បាន​រៀបចំ​ឡើង​កាល​ពី​ថ្ងៃ​សៅរ៍​ចុង​សប្ដាហ៍​មុន​នេះ​នៅ​មជ្ឈមណ្ឌល​ សហប្រតិបត្តិការ​កម្ពុជា-ជប៉ុន ដែល​មាន​ទីតាំង​ក្នុង​វិទ្យាស្ថាន​ភាសាបរទេស IFL ដោយមានប្រទេសចំនួន១៧ផ្សេងទៀត ជាដៃគូ។ ទោះ​យ៉ាង​ណា អ្នក​គ្រប់គ្រង​កម្មវិធី​អ្នក​ស្រី យឹម រ៉ាដែត ស្នើ​ឲ្យ​ឪពុក​ម្ដាយ​ទាំង​អស់​បញ្ជូន​កូន​ចូលរួម​ប្រកួត​ប្រជែង​បាន​កាន់​តែ ​ច្រើន​នា​ឆ្នាំ​ក្រោយៗ​ទៀត៕

ម្ដង​នេះ iPhone 5S បែក​ធ្លាយ​អីទៀត? Trackback

ទូរសព្ទ​ជំនាន់​ក្រោយ​របស់ Apple ដែល​ប្រិយមិត្ត​ទន្ទឹង​រង់ចាំ​​អ៊ុត​មើល​យ៉ាង​អន្ទះសា​នោះ ​ពេលនេះ​បាន​ចាប់ផ្ដើម​បន្ត​បែក​ធ្លាយ​រូបរាង​​​គំរូ​ទៀត​ហើយ។
ការ​បែក​ធ្លាយ​នេះ​បង្ហាញ​ថា ទូរសព្ទ​ជំនាន់​ទី ៧ iPhone 5S មាន​រាង​មូល​​កោង​ស្អាត ពោរពេញ​ទៅ​ដោយ​ភាព​ទាក់ទាញ។ បើ​បាន​ឃើញ​ហើយ​ ច្បាស់​​ជា​សរសើរ​មិន​ដាច់​ពី​មាត់។
យ៉ាងណាមិញ ​ក្រៅ​ពីព័ត៌មានខាងលើ  iPhone 5 S ត្រូវបាន ​គេឱ្យ​ដឹង​ថា នឹង​​មាន​​បច្ចេកវិទ្យា​ថ្មីៗ​ដូច​ជា បច្ចេកវិទ្យា Scan ក្រយៅ​ដៃ​ក្រោម Home Button, បំពាក់ Processor ល្បឿន​លឿន​ប្រភេទA7 ភ្ជាប់​មក​ជា​មួយ​នូវ​បច្ចេកវិទ្យា NFC និង ​មាន Update iOS ឲ្យ​កាន់​តែ​ទំនើប។ មិន​តែ​ប៉ុណ្ណោះ វា​នឹង​មាន​បំពាក់​ Projectors ចំនួន ២ សម្រាប់​បញ្ចាំង​​ Slide ដែល​មាន​លក្ខណៈ​ប្លែក​មិន​ធ្លាប់​មាន​ពី​មុន​មក ហើយ​មាន​ព័ត៌មាន​បែកធ្លាយ​ជា​ច្រើន​ទៀត​។នេះ​បើ​យោង​​តាម​ការ​ចុះផ្សាយ​របស់ ​​គេហទំព័រ​អន្តរជាតិ​មួយ​​កន្លង​មក។ ​
នៅ​ថ្ងៃ​ទី ១០ ខែ​មិថុនា ឆ្នាំ ២០១៣ខាង ​មុខ​នេះ Apple នឹង​ធ្វើ​សន្និសីទ​ជួបជុំ Developers  ដោយ​គេ​​រំពឹង​ថា ​ក្រុមហ៊ុន​នេះ​ នឹង​បង្ហាញ​ Software (iOS) ជំនាន់​ក្រោយ​​។ អ្វី​គួរ​ឲ្យ​កត់​សម្គាល់ iPhone 5S ក៏​អាច​បង្ហាញ​ខ្លួន​នា​ឱកាស​នោះ​ដែរ។
ចុច​ត្រង់​នេះ ដើម្បី​តាមដាន​ព័ត៌មាន​បច្ចេកវិទ្យា​ថ្មីៗ

និស្សិត​ក្រីក្រ​ក៏​មាន​ឱកាស​​ក្លាយ​ជា​អ្នក​ជំនាញ​ IT ពិត​ប្រាកដ​ដែរ Trackback

ជាមួយ ​ចក្ខុវិស័យ​ដ៏​វែង​ឆ្ងាយ ក្នុង​ការ​ជំរុញ​ឲ្យ​សិស្ស​និស្សិត​ក្រីក្រ​នៅ​ជនបទ​ដាច់​ស្រយាល​​ដែល​ ចូលចិត្ត​និង​ចាប់​អារម្មណ៍​​មុខ​ជំនាញ​ព័ត៌មានវិទ្យា អង្គការ  Passerelles Numériques Cambodia (PN) ដែល​ប្ដូរ​ឈ្មោះ​ពី CIST គឺ​ជា​ស្ថាប័ន​បណ្តុះ​បណ្តាល​ដ៏​សំខាន់មួយ​នៅ​ប្រទេស​កម្ពុជា ដែល​ទទួល​បណ្តុះបណ្តាល​មុខ​ជំនាញ​ព័ត៌មានវិទ្យា ​ដល់​​និស្សិត​ក្រីក្រ​កម្ពុជា​រាប់​រយ​នាក់​ក្នុង​មួយ​ឆ្នាំ​ៗ​ តាម​រយៈ​ការ​ផ្តល់​អាហារូបករណ៍​សិក្សា​ដោយ​ឥត​គិត​ថ្លៃ។
កញ្ញា Nimol Sahak បុគ្គលិក​ទំនាក់ទំនង​ការ​សិក្សា​របស់​អង្គការ PN បាន​ឲ្យ​ដឹង​ថា ក្នុង​មួយ​ឆ្នាំៗ PN តែង​តែ​ផ្តល់​អាហារូបករណ៍​ដល់​និស្សិត​ក្រី​ក្រ​កម្ពុជា​រាប់​រយ​នាក់ មក​តាម​បណ្តា​ខេ​ត្ត​នានាឲ្យ​ទទួល​ការ​អប់រំ​ជំនាញ​ព័ត៌មានវិទ្យា​​ដោយ​ឥត​ បង់​ថ្លៃ​ពី​អង្គការ។ ការ​បណ្ដុះបណ្ដាល​នេះ​មិន​តម្រូវ​ឲ្យ​មាន​ការ​បង់​ថ្លៃ​នោះ​ទេ គឺ​រាល់​ការ​ចំណាយ​ទាំង​អស់​ជា​បន្ទុក​ និង​ការ​ទទួល​ខុស​ត្រូវ​របស់​អង្គការ​ផ្ទាល់​ ក្នុង​នោះ​រួម​មាន​ការ​ស្នាក់​នៅ ការ​ហូបចុក និង​សម្ភារៈ​ឧបទេស​សិក្សា​ដទៃ​ទៀត។
យ៉ាង ​ណា​ កញ្ញា​ថា មុន​ដែល​សិស្ស​ក្រី​ក្រ​ទាំង​នោះ​អាច​ទទួល​បាន​សិក្សា​​ទាំង​នេះ គឺ​ត្រូវ​ឆ្លង​កាត់​ការ​ធ្វើ​តេស្ត និង​សម្ភាសន៍​ប្រកប​ដោយ​តម្លាភាព និង​ម៉ត់ចត់​បំផុត​ដើម្បី​ស្វែងរក​និស្សិត​ដែល​ក្រីក្រ និង​ខ្វះ​លទ្ធភាព​ពិត​ប្រាកដ​​​។
“គោល​ ការណ៍​អង្គការ​គឺ​ព្យាយាម​ធ្វើ​យ៉ាង​ណា ឲ្យ​និស្សិត​ចេញ​ពី​ត្រកូល​អ្នក​ក្រខ្សត់​ទាំង​នេះ មាន​ជំនាញ​ច្បាស់​លាស់ ​ចេះ​ធ្វើ​ការ​ប្រកប​ដោយ​គុណភាព។ ហេតុ​ដូច្នេះ​ហើយ បាន​ជា​កៅអី​អាហារូបករណ៍​ដល់​និស្សិត​ទាំង​នោះ ត្រូវ​ឆ្លង​កាត់​ការ​ប្រឡង​ ​សមត្ថភាព​ពួក​គេ​ជា​ច្រើន​ដំណាក់​កាល​ ជា​ពិសេស​គឺ​ស្ថានភាព​ជាក់​ស្ដែង​ដែល​ពួក​គេ​កំពុង​រស់​នៅ”​។
បន្ថែម ​ពី​នេះ ​និស្សិត​ជា​​នារី​ត្រូវ​បាន​លើក​ទឹកចិត្ត​តាម​រយៈ​ការ​កំណត់​ឲ្យ​​មាន​ ចំនួន ២​ ភាគ ៣ នៃ​ចំនួន​សរុប​វគ្គ​សិក្សា​ក្នុង​ឆ្នាំ​នីមួយៗ។
ក្រៅ ​ពី​សិក្សា​លើ​មុខ​​ជំនាញ​ដែល​មាន​ស្រាប់ អង្គការ​ក៏​មាន​វគ្គ​បណ្ដុះបណ្ដាល​ភាសា​អង់គ្លេស និង​វគ្គ​ខ្លីៗ​មួយ​ចំនួន​ទៀត​ពាក់​ព័ន្ធ​នឹង​អាកប្បកិរិយា​នៅ​កន្លែង​ធ្វើ​ ការ ក៏​ដូច​ជា​នៅ​ក្នុង​សង្គម​ផង​ដែរ ដើម្បី​ឲ្យ​ពួក​គេ​ទទួល​បាន​នូវ​អ្វី​​ដែល​ជា​តម្រូវ​ការ​ទី​ផ្សារ​ការងារ​ បច្ចុប្បន្ន។
លទ្ធផល​ ជាក់​ស្ដែង​របស់ ​PN បាន​ទទួល​ការ​ចាប់​អារម្មណ៍​យ៉ាង​ខ្លាំង​​ពី​អង្គការ​ក្រៅ​រដ្ឋាភិបាល លើ​គោល​ដៅ​បណ្តុះ​បណ្តាល​ដែល​អង្គការមួយ​នេះ បាន​កំណត់​និង​ផ្តោត​លើ​​និស្សិត​ក្រីក្រ​។ ជាក់​ស្ដែង កាល​ពី​ពេល​ថ្មីៗ​នេះ លោក Martin Hirsch ប្រធាន​ភ្នាក់ងារ​សេវាកម្ម​របស់​ប្រជាពលរដ្ឋ​បារាំង​បាន​ធ្វើ​ដំណើរ​ពី​ ប្រទេស​បារាំង​មក​ធ្វើ​​ទស្សនកិច្ច​ក្នុង​អង្គការ​​នេះ ថែម​ទាំង​បាន​បាន​ជជែក​សំណេះ​សំណាល​​ជាមួយ​និស្សិត​ និង​គ្រូ​បណ្ដុះបណ្ដាល​ជំនាញ​ទាំង​នោះ​ថែម​ទៀត​ផង។
លោក Martin Hirsch និយាយ​ថា ​លោក​ពិត​ជា​កោត​សរសើរ​ចំពោះ​ការងារ​របស់​អង្គការ​មួយ​នេះ ដែល​បាន​រួម​ចំណែក ជួយ​និស្សិត​ក្រីក្រ​កម្ពុជា​​តាម​រយៈ​ការ​ផ្តល់​ការ​បណ្តុះ​បណ្តាល​មុខ​ ជំនាញ​ប្រកប​ដោយ​គុណភាព ដើម្បី​អាច​ឲ្យ​ពួកគេ​មាន​ឃ្លាត​​ឆ្ងាយ​ពី​ភាព​ក្រីក្រ និង​កសាង​ជីវភាព និង​អនាគត​កាន់​តែ​ប្រសើរ​ទៅ​ថ្ងៃ​អនាគត។
Passerelles Numeriques Cambodia ជា​អង្គការ​ក្រៅ​រដ្ឋាភិបាល​មួយ​ដែល​ផ្ដោត​លើ​ការ​បណ្ដុះ​បណ្ដាល​ការ​សិក្សា ​លើ​មុខ​ជំនាញ​ព័ត៌មានវិទ្យា​ចំនួន​ពីរ​គឺ​ ជំនាញ​​គ្រប់គ្រង​បណ្ដាញ Systems and Network Administrator (SNA) និង​​ជំនាញ​សរសេរ​កម្មវិធី​លើ​គេហទំព័រ Web Programmer​។
ស្ថិត​ក្នុង​គោល​ដៅ​កាត់​បន្ថយ​ភាព​ក្រីក្រ ​និង​បង្កើត​ឱកាស​ការងារ​ដល់​យុវវ័យ​កម្ពុជា តាម​រយៈ​សកម្មភាព​អប់រំ​ ​អង្គការ  PN ចាប់​តាំង​ពី​បង្កើត​ដំបូង​នៅ​ឆ្នាំ ២០០៥ រហូត​មក​ទល់​បច្ចុប្បន្ន​អង្គការ​បាន​បណ្ដុះបណ្ដាល​សិស្ស​និស្សិត​បាន​ចំនួន ៤៥៨ នាក់ ហើយ​សិស្ស​និស្សិត​មួយ​ចំនួន​ធំ​ក៏​កំពុង​តែ​ធ្វើ​កម្មសិក្សា និង​បម្រើ​ការងារ​នៅ​តាម​បណ្ដា​ក្រុមហ៊ុន​ជា​ដៃគូ​ជាង ១៧០ ក្រុមហ៊ុន​ផង​ដែរ៕

Friday, May 31, 2013

អៃយ៉ា​! ​Coca-Cola កំប៉ុង​ថ្មី​អាច​កាច់​ចែក​គ្នា​ជា២​ បាន​​​​ទៀត! Trackback

ថ្មី ​ៗ​នេះ​ក្រុម​ហ៊ុន​ Coca-Cola ​បាន​បង្កើត​គំនិត​ថ្មី​ទាក់​ទង​នឹង​កំប៉ុង​របស់​ខ្លួន​។ បើ​អ្នក​ញ៉ាំ​ Coca-Cola​ កំប៉ុង​ ហើយ​ចង់​ចែក​រំលែក​ជាមួយ​អ្នក​ដែល​ខ្លួន​ស្រឡាញ់​ ឬ​មិត្ត​ភក្តិ​ អ្នក​ប្រហែល​ជា​មិន​​ពិបាក​ព្រោះ​អ្នក​មាន​តែ​មួយ​កំប៉ុង​​ដួច​មុន​ទៀត​ទេ។ ពេល​នេះ​អ្នក​​អាច​ចែក​រំលែក​ Coca-Cola​ កំប៉ុង​ជាមួយ​មិត្ត​ភក្តិ​បាន​យ៉ាង​ងាយ​ ដោយ​សារ​តែ​ក្រុម​ហ៊ុន​ Coca-Cola​ បាន​បង្កើត​កំប៉ុង​ថ្មី​គឺ ​អាច​កាច់​ជា​២​បាន​​គ្រាន់​តែ​មួល​បន្តិច​ប៉ុណ្ណោះ។
គំនិត​ច្នៃ​ប្រឌិត​ ខាង​លើ​​គឺ​ជា​ គំនិត​ដើម​របស់​ក្រុមហ៊ុន​ផ្សាយ​ពាណិជ្ជកម្ម​ Ogilvy & Mather ​ដែល​​មាន​ការិយាល័យ​​នៅសិង្ហបុរី និង​បារាំង។ ​ក្រុមហ៊ុន​នេះ​ចង់​បង្កើត​ឡើង​នៅ​អ្វី​ដែល​ថ្មី​ និង​អាច​ទៅ​រួច។ ​ទោះ​​ជា​យ៉ាង​ណា​ ក្រុមហ៊ុន​ Coca-Cola ​​មិន​បាន​បញ្ជាក់​ថា ​នោះ​គឺ​ជា​គម្រោង​ផលិតផល​ពិត​របស់​ខ្លួន​ឬ​ យ៉ាង​ណា​ទេ។
ខាង​ក្រោម​ នេះ​ អ្នក​នឹង​បាន​ឃើញ​កំប៉ុង​ដ៏​វ័យ​ឆ្លាត​ថ្មី​របស់​ Coca-Cola​ ដែល​អ្នក​អាច​ញ៉ាំ​បាន​២​នាក់​ ក្នុង​កំប៉ុង​តែ​មួយ។ ចង់​ដឹង​ ចុច​លើ​វីដេអូ​ខាង​ក្រោម​ ដើម្បី​ដឹង​កាន់​តែ​ច្បាស់​៖
ចុះ​អ្នក​ចង់​ឲ្យ​ក្រុមហ៊ុន​ Coca-Cola ផលិត​កំប៉ុង​ថ្មី​នេះ​ដែរ​ឬ​អត់?

កុមារ​ពិការ​កម្ពុជាត្រូវ​បានលើក​ទឹក​ចិត្ត​​ពី​​លោក​ Nick Vujicic Trackback

កុមារកម្ពុជាមួយ ​រូបដែល​ពិការ​ដៃ​ជើង​​បាន​​ទទួល​ការ​គាំ​ទ្រ និង​លើក​ទឺក​ចិត្ត​​​ដោយ​ផ្ទាល់​ ពី​​វាគ្មិន​​ពិការ​ដៃជើង​ដ៏​ល្បី​ល្បាយ​ទូទាំង​ពិភពលោក ​គឺ​​លោក​ Nick Vujicic។ ​នេះ​បើតាម​រយៈ​រូប​ភាព​មួយ​សន្លឹក​ ដែល​ត្រូវ​បាន​បង្ហោះ​នៅ​លើ​​បណ្ដាញ​សង្គម Facebook កាល​ពី​ព្រឹក​មិញ។
​កុមារី​​ ស៊ិន ស្រីហង់ បច្ចុប្បន្ន​កំពុង​រៀន​ថ្នាក់​ទី៤​ និង​ទទួល​​បាន​ចំណាត់​ថ្នាក់​លេខ​មួយ​រាល់​ខែ​ រស់​នៅ​ឯ​ខេត្ត​បាត់​ដំបង។
បើ ​យោង​តាម​គណនី​ khmer Author chanbo keo នៅ​លើ​ Facebook កុមារី​អភព្វ​រូប​នេះ​កើត​នៅ​ថ្ងៃ​ទី​១០ ខែ​មករា​ ឆ្នាំ​២០០២​ នៅ​ភូមិ​ ស៊ុង​១​ ឃុំ​ស៊ុង​ ស្រុក​សំឡូត​ ខេត្ត​បាត់​ដំបង។ ​តែ​ប្រភព​ព័ត៌មាន​មិន​បាន​បញ្ជាក់​ថា​លោក​ Nick Vujicic និង​កុមារី  ស៊ិន​ ស្រីហង់​ ជួប​គ្នា​កាល​ពី​ពេល​ណា​ ឬ​នៅ​កន្លែង​ណា​នោះ​ទេ។
កុមារី  ស៊ិន​ ស្រីហង់​​ ជា​កូន​ស្រី​ទី​២​ ក្នុង​ចំណោម​កូន​ទាំង​ពីរ​នាក់​ របស់​លោក​ ខឹម​ ផល្លា​ អាយុ​៥១​ ឆ្នាំ​ និង​ម្តាយ​ឈ្មោះ​ ឈិន​ ឈុនលី​ អាយុ​៤៨​ឆ្នាំ​ មាន​មុខ​របរ​ជា​កសិករ។
​កាល​ពី​សប្ដាហ៍​មុន​លោក​​ Nick Vujicic​ បាន​​ធ្វើ​ឲ្យ​​​​ព្រឹត្តិការណ៍​​មួយ​​នៅ​កោះ​ពេជ្រ​ ក្លាយ​ជា​​ព្រឹត្តិការណ៍​ដ៏​វិសេស​វិសាល​ និង​មិន​អាច​បំភ្លេច​បាន​​សម្រាប់​អ្នក​ចូល​រួម​ ព្រោះ​លោក​បាន​ផ្តល់​នូវ​ទស្សនៈ​ និង​គន្លឹះ​ល្អ​ៗ​ជាច្រើន​ដល់​យុវជន​កម្ពុជា៕

Wednesday, May 29, 2013

វត្ត​បូព៌​អាយុ​ជិត​ ៣០០​ឆ្នាំ​​​​ Trackback

ស្ថិត​ក្នុង​ទឹក​ដី​​​​ខេត្ត​សៀមរាប ​​​មើល​ជញ្ជាំង​ខាង​ក្រៅ​ នៃ​​​​​ព្រះ​វិហារ​វត្ត​បូព៌​​​​ មាន​សភាព​ទ្រុឌទ្រោម​​​បន្តិច​ ដោយ​សារ​តែ​​​​ព្រះវិហារ​មួយ​នេះ ​មាន​អាយុ​កាល​ជិត​ ៣០០​ឆ្នាំ​ទៅ​ហើយ​។ ទោះ​ជា​យ៉ាង​​នេះ​ក្ដី ​​​​ទាំង​​ភ្ញៀវទេសចរ​​ជាតិ​ និង​អន្តរជាតិ​ ​មិន​ដែល​​​រំលង​​ព្រះវិហារ​នេះ​ឡើយ​ ពោល​គឺ​គេ​​ចូល​​​ទស្សនាមិនលស់​ថ្ងៃ​ទេ។
ព្រះវិហារ សាលាឆាន់ វត្ត​បូព៌​ បាន​កសាង​ឡើង​ក្នុង​កំឡុង​សតវត្ស​ទី​១៩។​ ​​ផ្នែក​ខ្លះ​នៃ​ព្រះវិហារ​​​បាន​ប្រេះ​​បែក ​និង​ទ្រុឌ​ទ្រោម​ជាច្រើនកន្លែង ហើយ​ចេតិយ​មួយ​ចំនួន​ក្នុងវត្តក៏​មាន​អាយុ​ប្រហាក់​ប្រហែល​នឹង​ព្រះវិហារដែរ ​ហើយ​មាន​​​​ចេតិយ​ខ្លះ​បាក់​បែក​កំពូល​អស់​នៅ​សល់​តែ​ខឿន​​ប៉ុណ្ណោះ។
វត្ត​បូព៌​​ មាន​ទីតាំង​នៅ​ទិស​​ខាង​កើត​​ ​នៃ​ស្ទឹង​សៀម​រាប​ ស្ថិត​តាម​បណ្ដោយ​​​ផ្លូវ​សម្តេច​ទេព​វង្ស។
ព្រះវិហារវត្តបូព៌

សាលាឆាន់ វត្តបូព៌

ចង់​ប្រើ Khmer Unicode លើ Photoshop មានអី​ពិបាក! Trackback

កន្លង ​ទៅ​នេះ មាន​ប្រិយមិត្ត​ជា​ច្រើន​មាន​ចម្ងល់​ និង​បាន​សាកសួរ​ជុំវិញ​ការ​ប្រើអក្សរ​ខ្មែរ Khmer Unicode នៅ​លើ Photoshop។ ជា​ការ​ការ​ឆ្លើយតប​តាម​សំណូម​ពរ​ ដូច្នេះ​នៅ​ទំព័រ​នេះ​ Sabay នឹង​លើ​ក​ពី​វិធីសាស្រ្ត​ក្នុង​ការ​​ប្រើប្រាស់​ពុម្ព​អក្សរ Khmer Unicode ទៅ​លើ​កម្មវិធី Photoshop មក​ធ្វើ​ការ​បង្ហាញ​ជូន​ដូច​ត​ទៅ។
ដើម្បី ​វាយ Khmer Unicode នៅ​លើ Photoshop ពេញ​ដៃ​ពេញ​ជើង ត្រូវ​ដំឡើង​ពុម្ព​អក្សរ​ខ្មែរ​យូនីកូដ​ដែល​ចាប់​ផ្ដើម​ដោយ KH ឬ Nida ជា​មុន​សិន។
តែ​ប្រសិន​ពុំ​ទាន់​មាន​ទេ ប្រិយមិត្ត​អាច​ទាញ​យក​បាន​ក្នុង​ទំហំ​ត្រឹមតែ 4.48MB ប៉ុណ្ណោះ។ ដើម្បី​ទាញ​យក សូមចុច​ត្រង់​នេះ …
+ របៀប​ដំឡើង៖
  • - ក្រោយ​ពី​ទាញ​យក​រួច ត្រូវ​ដំឡើង font ទាំង​នោះ​ដោយ​ចុច mouse ស្ដាំ​រួច​រើស​យក​ពាក្យ​ថា Install ឬ​មាន​វិធី​ម្យ៉ាង​ទៀត​ដោយ​ចម្លង (copy) ឯកសារ (font) ទាំង​អស់​​នោះ​ទៅ​ទុក​ក្នុង “C:\Windows\Fonts”។
  • - បន្ទាប់​ពី​បាន​ធ្វើ​តាម​ជំហាន​ខាង​លើ​ហើយ សូម​បើក​កម្មវិធី Photoshop ឡើង រួច​សាកល្បង​វាយ​បញ្ចូល​អក្សរ​ដោយ​រើស​យក​ឈ្មោះ font ដែល​បាន​ដំឡើង​នោះ។
  • ដោយ​ឡែក​សម្រាប់​កម្មវិធី Adobe Photoshop CS 6 វិញ​ពុំ​ចាំបាច់​ធ្វើ​ដូច្នោះ​ឡើយ គឺ​​គ្រាន់​តែ​ចុច​ទៅ​លើ​​ម៉ឺនុយ Edit -> Preference -> Type រួច​ជ្រើស​យក Middle Eastern ជំនួស​ឱ្យ East Asian វិញជា​ការ​ស្រេច​។
ប្រិយមិត្ត​អាច​សាកល្បង​ តើ​ជោគជ័យ​ដែរ​ឬ​យ៉ាង​ណា? បើ​មិនជោគជ័យ​ អាច​សាកសួរ​មក​ Sabay បន្ថែម​ទៀត។
នៅ​មាន​គន្លឹះ​ខ្លីៗ​ទាក់ទង​នឹង​ការប្រើប្រាស់​កុំព្យូទ័រ ក៏​ដូច​ជា​ទូរសព្ទ​ជា​ច្រើន​ទៀត ចុច​ត្រង់​នេះ​ ដើម្បីស្វែង​យល់បន្ថែម​ទៀត …