អ្វីទៅជា iCloud ? Trackback
បន្ទាប់
ក្រុមហ៊ុន Appleបានបញ្ចេញប្រព័ន្ធប្រតិបត្តិការជំនាន់ថ្មី iOS 5
ក៏ដូចជា OS X Lion កន្លងមក មានប្រិយមិត្តចំនួនដែលនិយមប្រើផលិតផល
របស់ Apple មានចម្ងល់ជាច្រើនទាក់ទងនឹងកំណែប្រែថ្មីៗទាំងនោះ។
ស្របពេលជាមួយគ្នានេះដែរ Sabay សូមលើកយក iCloud
ដែលជាកំណែប្រែថ្មីមួយរបស់ប្រព័ន្ធប្រតិបត្តិការទាំងពីរខាងលើមក
បកស្រាយជូនប្រិយមិត្ត។iCloud ភ្ជាប់មកជាមួយ Apple device ថ្មីៗមួយចំនួនដូចជា iPhone, iPad និង iPod touch ដែលដំឡើង iOS 5 និង គ្រប់កុំព្យូទ័រ Mac ដែលដំឡើង OS X Lion។ អញ្ចឹងមានន័យថាគ្រប់ Apple device ថ្មីៗទាំងអស់ដែលប្រិយមិត្តបញ្ជាទិញគឺភ្ជាប់មកជាមួយ iCould រួចជាស្រេច។
ដើម្បីប្រើប្រាស់ iCloud បានអ្នកត្រូវធ្វើការចុះឈ្មោះ (sign up) ដោយផ្ទាល់ពី Apple device របស់អ្នកជាមុនសិន។ បន្ទាប់ពីធ្វើការចុះឈ្មោះរួចអ្នកនឹងទទួលបានទំហំសម្រាប់ផ្ទុក ទិន្នន័យចំនួន 5GB ដោយឥតគិតថ្លៃ។ បើសិនជាអ្នកប្រើអស់ហើយចង់បានទំហំបន្ថែមអ្នកអាចទិញបានក្នុង តម្លៃ ២០ដុល្លារ សម្រាប់ 10GB ៤០ដុល្លារ សម្រាប់ 20GB និង ១០០ដុល្លារ សម្រាប់ 50GB។ បញ្ជាក់តម្លៃបញ្ជាទិញបន្ថែមនេះគឺអាចប្រើបានតែរយៈពេលមួយឆ្នាំ ប៉ុណ្ណោះ។
ខាងក្រោមនេះគឺជាឈ្មោះកម្មវិធីដែលប្រិយមិត្តអាចប្រើប្រាស់ជាមួយ iCloud៖
iTunes in the Cloud
Photo Stream
Documents in the Cloud
Apps, Books, and Backup
Calendar, Mail, and Contacts
Find My Friends and Find My iPhone
តើ Apple device របស់ប្រិយមិត្តបានភ្ជាប់ iCloud ហើយឬនៅ?
0 comments:
Post a Comment