ទាយមើល៍ Win-8 និងWin-7 មួយណាខ្លាំងជាង? Trackback
Windows
7 ត្បិតជា Operating System ចេញមុន Windows 8
ប៉ុន្តែនៅតែមានចំណែកទីផ្សារធំជាង Windows 8 នៅឡើយ
ពោលគឺក្ដាប់បាន ៥១,៤១% ខណៈ Windows 8 បានត្រឹម ៤,១២% ប៉ុណ្ណោះ។ ហេតុអីទៅ បានជាដូច្នេះ ឬ Windows 8 មានចំណុចខ្វះខាតនៅមិនទាន់អាចទាក់ទាញការចាប់អារម្មណ៍ពីអ្នកប្រើប្រាស់?
មានការរំពឹងទុកជា
ច្រើនអំពីប្រជាប្រិយភាព Windows 8 មុនពេល OS នេះ
ដាក់ឲ្យប្រើប្រាស់ជាផ្លូវការណ៍។ OS ថ្មីនេះ ទទួលកំណែប្រែថ្មី
ជាមួយសោភណភាពក្រាហ្វិកកាន់តែស្រស់ស្អាត
ជាពិសេសដំណើរការកម្មវិធីបានលឿនជាង Windows 7។ ប៉ុន្តែ
ទន្ទឹមគ្នានោះក៏មានមតិពីបណ្ដាក្រុមហ៊ុនផលិត
device ដំណើរការដោយ Operating System មួយចំនួន បានលើកឡើងមកដែរថា
Windows 8 នឹងពុំទាន់អាចជ្រាបចូលទីផ្សារពិភពលោកទេក្នុងឆ្នាំ២០១២
គឺរង់ចាំរហូតដល់ឆ្នាំ២០១៣ ទើបមានសន្ទុះ។យ៉ាងណាមិញថ្មីៗនេះ Microsoft បានចេញមុខអះអាងបញ្ជាក់អំពីប្រព័ន្ធប្រតិបត្តិការថ្មីមួយទៀតបន្ទាប់ពី Windows 8 នោះគឺ Windows Blue ថាឥឡូវនេះក្រុមហ៊ុនកំពុងអភិវឌ្ឍឡើងមក តែពុំបានបញ្ជាក់ពីពេលវេលាសម្រេចបានពេញលេញនៅឡើយទេ។ វាជា version OS ថ្មីដែលនឹងធ្វើការ upgrade លើ Windows 8 លើ software មួយចំនួនដូចជា៖ Internet Explorer, Hotmail, SkyDrive, Windows Phone និង Windows Server ជាដើម។
ផ្អែកតាមរបាយការណ៍មុនៗលើកឡើងថា Windows Blue ដែលជា OS ជំនាន់ថ្មីចុងក្រោយរបស់ Microsoft នឹងមាន version ៧ ផ្សេងគ្នារួមមាន៖ Windows Blue, RT, Personal, Professional, Standard, Server, Enterprise Server, Datacenter Server និង Web Server។ គម្រោងផលិត OS ថ្មី Blue នឹងសម្រេចបានជំនាន់ Beta ដំបូងនៅខែមិថុនា ហើយបញ្ចប់ការធ្វើតេស្តដោយដាក់ឱ្យប្រើជាផ្លូវការយ៉ាងយូរគឺនៅខែ សីហា ឬអាចស្ថិតនៅចន្លោះពីខែឧសភា ដល់សីហាប៉ុណ្ណោះ។
រង់ចាំមើលទាំងអស់គ្នា តើអនាគតពេលណាទើប Win8 ស្រូបទាញចំណែកទីផ្សារបានច្រើនជាង Win7ដែរឬទេ?
ចុចត្រង់នេះ ដើម្បីតាមដានព័ត៌មានបច្ចេកវិទ្យាថ្មីៗ
0 comments:
Post a Comment