ខាត់ សុឃីមបន្ថែមមុខរបរ Trackback
បន្ទាប់
ពីរៀបការជាមួយលោក អ៊ិន សុបញ្ញាហៅផាណូ
ជម្រះអស់មន្ទិលគ្រប់យ៉ាងជាមួយលោក ចារិទ្ធីមក អ្នកនាងខាត់
សុឃីមត្រូវបានគេមើលឃើញថា
កាន់តែសម្រុករកស៊ីកាន់តែខ្លាំងជាមុនទៅទៀត។ថ្មីៗនេះ អ្នកនាង ខាត់ សុឃីម បានបង្ហើបប្រាប់ថា បានពង្រីកមុខរបរមួយបន្ថែមទៀត លើអាជីវកម្មសំអាងការ ថតរូប និងអ៊ុតសក់របស់នាង ដែលកំពុងដំណើរការបច្ចុប្បន្ន។
ក្នុងជំនួបជាមួយ Sabay អ្នកនាង ខាត់ សុឃីម បានឲ្យដឹងថា មុខរបរថ្មីរបស់នាងគ្រោងនឹងបង្កើតនោះ គឺជាអាជីវកម្មផ្ទះជួល ដោយបច្ចុប្បន្នកំពុងតែសាងសង់បានប្រហែលជា ៨០ភាគរយរួចហើយ ។
នាងបន្តទៀតថា
ទីតាំងផ្ទះជួលដែលនាងកំពុងប្រគល់ឲ្យជាងធ្វើ
គឺស្ថិតក្នុងបូរី ជីពម៉ុង ក្នុងតំបន់លូ៥ស្ទឹងមានជ័យ
ក្បែរផ្ទះរបស់នាងរស់នៅបច្ចុប្បន្ន។ អ្នកនាង លើកឡើងថា
“ដីនេះខ្ញុំទិញទុកចោលជាច្រើនឆ្នាំហើយ
បើយើងទុកចោលក៏វាអត់ប្រយោជន៍ អីចឹងយើងធ្វើវាឡើងទៅ”។ផ្ទះ ជួលដែលនាងកំពុងតែឲ្យជាងធ្វើនេះ គឺធ្វើឡើងសម្រាប់ជួលឲ្យកម្មកររោងចក្រ ព្រោះដោយហេតុថា តាមតែអ្នកនាង មើលឃើញក្នុងដំបន់នេះ អ្នកដែលជួលផ្ទះ ភាគច្រើនជាកម្មកររោងចក្រតែប៉ុណ្ណោះ។ អីចឹងហើយតម្លៃផ្ទះជួលរបស់អ្នកនាង ក៏មិនថ្លៃហួសពិសមត្ថភាពកម្មករ កម្មការិនីយើងដែរ។ អ្នកនាង ថ្លែងថា “ជួលអត់ថ្លៃទេ គឺពី៤០ ទៅ ៥០ ដុល្លារក្នុងមួយខែប៉ុណ្ណឹង បើយើងជួលថ្លៃពេក ធ្វើម៉េចគ្នារត់រួចទៅ”។
តារា ចម្រៀងប្រជាប្រិយរូបនេះ បញ្ជាក់ថា ផ្ទះជួលដែលជាអាជីវកម្មបន្ថែមថ្មីមួយរបស់អ្នកនាងនេះ គឺមានចំនួន ៣២ បន្ទប់ ហើយតាមគម្រោង នឹងទទួលយកអតិថិជន ត្រឹមក្រោយបុណ្យចូលឆ្នាំខ្មែរប្រពៃណីជាតិយើងបន្តិច។
អ្នកនាងខាត់ សុឃីម បានរៀបអាពាហ៍ពិពាហ៍ យ៉ាងគគ្រឹកគគ្រេងជាមួយលោក អ៊ិន សុបញ្ញា ហៅផាណូ កាលពីថ្ងៃទី១២ ខែ ១២ ឆ្នាំ ២០១២។ ក្នុងមង្គលការនោះ ត្រូវបានគេមើលឃើញថា មានវត្តមានអ្នកសិល្បៈចូលរួមយ៉ាងច្រើនកុះករ ដែលអាចចាត់ទុកថា ជាមង្គលការដែលមានអ្នកសិល្បៈចូលរួមច្រើនជាងគេ ក្នុងឆ្នាំកន្លងទៅ។
ក្រោយពីរៀបការរួច នាងហាក់ដូចជាកាន់តែសម្រុក ការងាររកស៊ីរបស់នាងកាន់តែខ្លាំង ខណៈដែលគូស្នេហ៍មួយចំនួនសំងំយកកូននោះ។ អ្នកនាងខាត់ សុ ឃីមបានសារភាពថា “អត់បានការពារទេ ទាក់ទង់នឹងរឿងយកកូនចៅនេះ គឺបណ្ដោយតាមធម្មជាតិទេ ប៉ុន្តែមកទល់ពេលនេះអត់ទាន់មានសញ្ញាវិជ្ជមាន នៅឡើយទេ”។
នាង បានបញ្ជាក់ជាចុងក្រោយថា អត់អារម្មណ៍រឿងអត់មានកូនទេ នាងប្រឹងរកស៊ីឲ្យបានរឹមមាំសិន រឿងយកកូនចៅចាំយកពេលណាក៏បានដែល ព្រោះបច្ចុប្បន្នវិជ្ជាសាស្ត្រជឿនលឿនណាស់។
អាជីវកម្មផ្ទះជួល ដែលគ្រោងនឹងដំណើរការនៅពេលខាងមុខនេះ មិនមែនជាជំនួញចុងក្រោយរបស់នាងនោះទេ ព្រោះតាមការបញ្ជាក់របស់អ្នកនាង គឺបច្ចុប្បន្នអ្នកនាងកំពុងតែសម្លឹងរកមុខរបរផ្សេងទៀត ប៉ុន្តែនាងមិនទាន់បង្ហើបឲ្យដឹងនៅឡើយទេ ដោយទុកឲ្យវាលេចចេញជារូបរាងសិន៕
0 comments:
Post a Comment