ក្រសួងអប់រំយុវជន និងកីឡា បានដាក់បញ្ចូលកម្មវិធីសិក្សាភាសាអង់គ្លេស
នៅថ្នាក់បឋមសិក្សាចាប់ពីឆ្នាំ២០១៣ នេះទៅ។
នេះបើយោងតាមប្រសាសន៍របស់លោក សំ សេរីរ័ត្ន អគ្គនាយកដ្ឋានអប់រំ
នៃក្រសួងអប់រំ យុវជន និងកីឡា។
លោកបានបន្ថែមថា ការដាក់បញ្ចូលកម្មវិធីសិក្សាភាសាអង់គ្លេសនេះ មានចាប់ពីថ្នាក់ទី៤ ឡើងទៅ។
ទោះជាយ៉ាងណា
សាលានៅតាមបណ្ដាខេត្តមួយចំនួនមិនទាន់អាចដាក់បញ្ចូលមុខ
វិជ្ជាថ្មីមួយនេះបាននៅឡើយទេ
ដោយហេតុថាពុំទាន់មានគ្រូគ្រប់គ្រាន់។ អ្នកគ្រូ ទិត ឌូ
នាយកសាលាបឋមសិក្សាចារ ស្រុកស្វាយជ្រំ ខេត្តស្វាយរៀង
បានបញ្ជាក់ថា ៖
“ខាងក្រសួងអប់រំខេត្តស្វាយរៀងនឹងដាក់ឱ្យមាននៅសាលាខ្ញុំ
ចាប់ពីឆ្នាំ២០១៤។ បច្ចុប្បន្ន
ខាងក្រសួងកំពុងសម្រិតសម្រាំងគ្រូ
ដោយបណ្ដុះបណ្ដាលគ្រូដែលមានស្រាប់នៅសាលា
និងខ្លះទៀតគឺជ្រើសរើសគ្រូអនុវិទ្យាល័យមកបង្រៀន”។
អ្នកគ្រូបន្ថែមទៀតថា
នេះជាសញ្ញាណល្អសម្រាប់វិស័យអប់រំកម្ពុជា ព្រោះថា
សិស្សនឹងបានស្វែងយល់
និងចេះភាសាអន្តរជាតិមួយនេះបានកាន់តែច្រើនតាំងពីថ្នាក់ក្រោម
ឡើងទៅ។
លោក រ៉ុង ឈុន ប្រធានសមាគម គ្រូបង្រៀនកម្ពុជាឯករាជ្យបានថ្លែង
អបអរសាទរចំពោះគម្រោងថ្មី
របស់ក្រសួងអប់រំ និងចាត់ទុកថា
នេះគឺជាភាពចាំបាច់មួយសម្រាប់យុវជន បន្ទាប់ពីភាសាជាតិ
ខណៈរយៈពេលដ៏ខ្លីខាងមុខអាស៊ានទាំងមូល នឹងធ្វើ
សមាហរណកម្មបញ្ចូល
គ្នា។ លោកបានបន្ថែមថា បច្ចុប្បន្ននេះ ភាសាអង់គ្លេស
ត្រូវបានដាក់បញ្ចូល
ក្នុងកម្មវិធីសិក្សាត្រឹមអនុវិទ្យាល័យតែប៉ុណ្ណោះ។
ដូច្នេះវាកាន់តែងាយស្រួលបន្ថែមទៀតសម្រាប់កុមារនៅក្មេងខ្ចី
ក្នុងការចាប់យកភាសាអង់គ្លេស៕
0 comments:
Post a Comment