បុណ្យ “មាឃបូជា” មានអត្ថន័យយ៉ាងណា? Trackback
ថ្ងៃចន្ទ ទី២៥ កុម្ភៈនេះ ត្រូវនឹងថ្ងៃ១៥កើត ខែមាឃ
គឺជាថ្ងៃបុណ្យ “មាឃបូជា” ដែលជាបុណ្យធំមួយ
និងមានអត្ថន័យយ៉ាងជ្រាលជ្រៅនៅក្នុងព្រះ ពុទ្ធសាសនា។
ផ្អែក
តាមភិក្ខុព្រះមហា សាសនសុធោ រស់ សម្បត្តិ
គង់នៅវត្តថាន់មានសង្ឃដីការៀបរាប់ទាក់ទិននឹងពិធីបុណ្យ
មាឃបូជា ថា នៅវស្សាទីពីរក្រោយព្រះពុទ្ធបានត្រាស់ដឹង
គឺចំថ្ងៃ១៥ កើតខែមាឃ ព្រះសម្មាសម្ពុទ្ធទ្រង់បានប្រារព្ធធ្វើនូវ ចតុរង្គសន្និបាត ដែលអាចនិយាយម្យ៉ាងទៀតថា ទ្រង់ប្រកាស នូវធម្មនុញ្ញនៃព្រះពុទ្ធសាសនា។
ព្រះភិក្ខុ មានសង្ឃដីកាបន្តទៀតថា នៅវស្សាទី៤៥ ក្រោយព្រះសម្មាសម្ពុទ្ធទ្រង់បានត្រាស់ដឹង គឺចំថ្ងៃ១៥ កើត ខែមាឃ
គឺជាថ្ងៃដែលព្រះពុទ្ធទ្រង់ប្រកាសដាក់អាយុ សង្ខារ
ដោយព្រមតាមការនិមន្តរបស់មារ។ នៅក្នុងវស្សាទីពីរ
ក្រោយព្រះអង្គទ្រង់ត្រាស់ដឹងនូវ ញេយ្យធម៌
ដ៏បវរព្រះអង្គទ្រង់គង់នៅវត្តវេឡុវ័ន ដែលនៅពេលនោះ
ទ្រង់មានឱកាសបំពេញពុទ្ធបំណងក្នុងការប្រកាសពីច្បាប់វិន័យ
របស់ពុទ្ធសាសនា ប៉ុន្តែក្នុងថ្ងៃខែតែមួយ នៃវស្សាទី៤៥
ក្រោយព្រះអង្គបានត្រាស់ដឹង
គឺជាថ្ងៃដ៏គួរឱ្យសោកស្ដាយសម្រាប់ ពុទ្ធបរិស័ទ ព្រោះមារ
ដែលតាមផ្ចាញ់ព្រះអង្គតាំងពីទ្រង់ទើបតែចេញសាង ព្រះផ្នួសមក
នោះមានឱកាសនិមន្តព្រះពុទ្ធឱ្យយាងចូលនិព្វានជាលើក ទីបី។
ព្រះ
ភិក្ខុ រស់ សម្បត្តិ មានសង្ឃដីកាទៀតថា
ក្នុងការនិមន្តលើកទីបីនេះ ព្រះពុទ្ធទ្រង់មិនអាចពន្យារពេល
បានទៀតទេ ព្រោះទ្រង់បានសន្យានឹងមា
តាំងពីព្រះអង្គទើបនឹងបានត្រាស់ ដឹងមកម្ល៉េះថា
គឺពេលទ្រង់បំពេញពុទ្ធបំណងបានបីប្រការ
ក្រោយត្រាស់ដឹងហើយនោះ ព្រះអង្គនឹងព្រមទទួលការនិមន្តនេះ។
ពុទ្ធបំណងទាំងបីប្រការនោះមាន៖
១- ព្រះអង្គ ខំបំពេញបុណ្យកុសលគ្រប់ៗជាតិដើម្បីត្រាស់ដឹងជាព្រះពុទ្ធ។
២- ព្រះអង្គត្រាស់ដឹង ដើម្បីសំដែងព្រះធម៌ប្រោសដល់ញាតិទាំងឡាយរបស់ ទ្រង់។
៣- ព្រះអង្គត្រាស់ដឹង ដើម្បីសំដែងព្រះធម៌ប្រោសសត្វក្នុងលោក និងផ្សព្វផ្សាយព្រះធម៌។
១- ព្រះអង្គ ខំបំពេញបុណ្យកុសលគ្រប់ៗជាតិដើម្បីត្រាស់ដឹងជាព្រះពុទ្ធ។
២- ព្រះអង្គត្រាស់ដឹង ដើម្បីសំដែងព្រះធម៌ប្រោសដល់ញាតិទាំងឡាយរបស់ ទ្រង់។
៣- ព្រះអង្គត្រាស់ដឹង ដើម្បីសំដែងព្រះធម៌ប្រោសសត្វក្នុងលោក និងផ្សព្វផ្សាយព្រះធម៌។
បី
ខែក្រោយការនិមន្តរបស់មារនោះ ព្រះអង្គក៏យាងចូលនិព្វានទៅ
ដូច្នេះហើយទើបអ្នកកាន់ព្រះពុទ្ធសាសនាទាំងអស់កំណត់យកថ្ងៃ១៥កើត ខែមាឃប្រារព្ធធ្វើបុណ្យ “មាឃបូជា” ដើម្បីរំលឹកដល់ថ្ងៃដែលព្រះពុទ្ធទ្រង់ប្រារព្ធនូវ “ចតុរង្គសន្និបាត” និង “ព្រះពុទ្ធដាក់អាយុសង្ខារ”៕
