iPhone 5S ច្រើនពណ៌ ចេញខែសីហានេះ Trackback
ក្រោយពីមានព័ត៌មានជុំវិញ iPhone 5S បង្ហោះតាមគេហទំព័រអន្តរជាតិយ៉ាងច្រើនរួចមក មកដល់ពេលនេះគេបានទទួលដំណឹងថា Apple ទើបតែជួលបុគ្គលិកជំនាញផលិត iPhone ជំនាន់ថ្មីនេះឱ្យមានពណ៌ស្រស់ស្អាតជាច្រើនពណ៌។iPhone 5S ដែលជាជំនាន់ថ្មីបន្ទាប់ពី iPhone 5 មួយរយៈកន្លងមកនេះ ហាក់មានព័ត៌មានយ៉ាងច្រើនឥតដាច់ ដែលបានលើកឡើងថា នឹងចេញជាមួយលក្ខណៈ សម្បត្តិកាន់តែមានសមត្ថភាពការងារខ្ពស់ជាងមុន ជាពិសេសល្បីថានឹងមានច្រើនពណ៌សម្រាប់ជ្រើសរើសដូចខាងរូបក្រោម។
គួរបញ្ជាក់ផងដែរថា កន្លងមកធ្លាប់លេចរូប motherboad របស់ iPhone 5S ដែលប្រើ chip A7 បំពាក់ CPU ប្រភេទ quad-core ល្បឿន 1.2GHz ខុស ពី iPhone 5 ដែលប្រើ A6 ជាមួយ CPU ប្រភេទ dual-core ល្បឿន 1.3GHz។ មិនតែប៉ុណ្ណោះ វានឹងដំណើរការជាមួយប្រព័ន្ធប្រតិបត្តិការ iOS 7, ភ្ជាប់ជាមួយ graphics processor ប្រភេទ PowerVR quad-core SGX554MP4។ ដូច្នេះវានឹងជួយបង្កើនសមត្ថភាពក្នុងការលេងហ្គេម។
បើតាមប្រភពបានអះអាងថា iPhone ជំនាន់ថ្មីទី ៧ របស់ Apple នឹងបង្ហាញវត្តមានជាផ្លូវការនៅអំឡុងខែសីហាខាងមុខ៕
ចុចត្រង់នេះ ដើម្បីតាមដានព័ត៌មានបច្ចេកវិទ្យាថ្មីៗ
0 comments:
Post a Comment