Intel ប្រកាសDual-core ថ្មីសម្រាប់​ទូរសព្ទ Trackback

Intel ប្រកាសDual-core ថ្មីសម្រាប់​ទូរសព្ទ Trackback

ផ្សាយ​ក្នុង​ផ្នែក​ ព័ត៌មានបច្ចេកវិទ្យា ដោយ chhun.hour កាលពី 8 days ago 2 Comments

មិន​ត្រឹមតែ​មាន​ក្រុមហ៊ុន​ទូរសព្ទ​ល្បីៗ​ដែល​បាន​បង្ហាញ​ផលិតផល​បច្ចេកវិទ្យា​ទំនើបៗ​ចុង​ក្រោយ​នោះ​ទេ ដោយ​ឡែក Intel ក៏​បាន​យក​ឱកាស​សមាជ MWC នេះ​មក​ធ្វើ​បទ​បង្ហាញ processor ថ្មី​របស់​ខ្លួន​ផង​ដែរ។ អ្វី​ដែល​មិន​ធ្លាប់​មាន​នោះ​គឺថា chip ថ្មី​នេះ​មិន​មែន​ប្រើ​សម្រាប់​បំពាក់​នៅ​លើ​ម៉ាស៊ីន​កុំព្យូទ័រ​ឡើយ តែ​សម្រាប់​ទូរសព្ទ។

Processor ថ្មី​នេះ​មាន​លេខ​កូដ Clovertrail+ ដែល​មាន Saltwell CPU core ប្រវែង ៣២ណានូម៉ែត្រ។ Clovertrail+ បាន​ចែក​ចេញ​ជា 3 SKUs រួម​មាន៖ Atom Z2580 មាន​ល្បឿន 2.0GHz, Atom Z2560 មាន​ល្បឿន 1.6GHz និង Atom Z2520 មាន​ល្បឿន 1.2GHz។ Intel បាន​អះអាង​ថា chip ថ្មី​នេះ​មាន​ល្បឿន​លឿន​ជាង chip ជំនាន់​មុន Medfield ដល់​ទៅ ២ដង។

Clovertrail+ មាន​សមត្ថភាព​ក្រាហ្វិក​ខ្ពស់​ជាង​ស៊េរី​មុន PowerVR SHX540 ដែល​គាំទ្រ resolution ទំហំ​ចាប់​ពី (1024x768px) ទៅ (1920x1200px)។ ទន្ទឹម​នឹង​នោះ​ក្រុមហ៊ុន​ផលិត​ក៏​បាន​បង្ហាញ smartphone ដំបូង​ដែល​ដំណើរ​ជា​មួយ chip ថ្មី Clovertrail+ គឺ​មាន​ឈ្មោះ​ថា Lenovo K900។ ម៉ូដែល​ដែល​បំពាក់ chip ថ្មី​នេះ​មាន​លក្ខណៈ សម្បត្តិ​ដូច​ជា៖

-អេក្រង់ IPS LCD ទំហំ ៥,៥អ៊ីញ (1080x1920px) ជា​មួយ​ដង់ស៊ីតេ​ភិចហ្សែល 400ppi
-កាមេរ៉ា​ក្រោយ​ទំហំ 16MP និង​ខាង​មុខ​ទំហំ 2MP
-CPU ប្រភេទ dual-core ល្បឿន 1.8GHz Clover Trail+
-Memory មិន​បាន​បញ្ជាក់​ទំហំ (+microSD រហូត​ដល់ 32GB)
-RAM ទំហំ 2GB
-ប្រព័ន្ធ​ប្រតិបត្តិការ៖ Android 4.2 Jelly Bean
-Memory ម៉ាស៊ីន​ទំហំ
-កម្រាស់ ៦,៦ម.ម
-ទម្ងន់ ១៦២ក្រាម