អាថ៌កំបាំងរបស់បុរសរស់បាន ២៥៦ ឆ្នាំ Trackback
ពិភពលោក
សម័យបច្ចុប្បន្ន វាពិបាកនឹងជឿណាស់ថា មនុស្សអាចដល់អាយុ ១៥០ ឆ្នាំ។
ចុះទម្រាំដល់ទៅ ២៥៦ ឆ្នាំ គឺរឹតតែមិនអាចទៅទៀត!យោងតាមទស្សនាវដ្ដី Time និងកាសែតលំដាប់ពិភពលោករបស់អាមេរិក The New York Time ដែលចេញផ្សាយកាលពីឆ្នាំ ១៩៣៣ បានឲ្យដឹងថា មានបុរសជនជាតិចិនម្នាក់ដែលស្លាប់ក្នុងវ័យ ២៥៦ ឆ្នាំ។
លោកគ្រូ Li Ching-Yun
ក្នុង
រយៈពេល ២៥៦ ឆ្នាំ លោក Li Ching-Yun ដែលមានស្រុកកំណើតនៅខេត្តស៊ីឈួន
ប្រទេសចិន មានប្រពន្ធ ២៣ នាក់ និងកូនចៅជាង ២០០ នាក់។
លោកបានបញ្ជាក់ពីអាថ៌កំបាំងនៃអាយុវែងរបស់លោកថា អង្គុយដូចអណ្ដើក
គេងដូចសុនខ ដើរថ្នមស្រាលៗដូចព្រាប
និងរក្សាចិត្តឲ្យស្ងប់មិនខ្វល់ច្រើន។ នេះជាការរៀបរាប់របស់លោក
Li ប្រាប់ទៅកាន់ស្ដេចក្រាញ់ដែលចង់ដឹងពីអាថ៌កំបាំងនេះ
ដោយបញ្ជាក់ថា ភាពស្ងប់ក្នុងអារម្មណ៍
គឺកត្តាសំខាន់បំផុតសម្រាប់អាយុវែង។
កាល
ពីអាយុ ១០ ឆ្នាំ លោក Li
បានចាប់ផ្ដើមដើរបេះប្រមូលថ្នាំរុក្ខជាតិតាមតំបន់ភ្នំផ្សេងៗ
និងចាប់ផ្ដើមរៀនរូបមន្តរក្សាអាយុវែង
ដោយពឹងផ្អែកលើរបបអាហារថ្នាំរុក្ខជាតិ និងស្រាបិត។
លោកបន្តរស់នៅបែបនេះរហូតដល់អាយុ ៧១ ឆ្នាំ
ហើយក៏ផ្លាស់ទៅធ្វើជាគ្រូក្បាច់គុនឲ្យកងទ័ពចិន
និងជាទីប្រឹក្សាយុទ្ធសាស្ត្រ។ នេះបើយោងតាម Wikipedia។ ក្រៅនេះ
លោកនៅតែបន្តលក់ថ្នាំបុរាណរហូតដល់អាយុ ១០០ ឆ្នាំផងដែរ។
យោង
តាមលោក Da Liu ដែលជាសិស្សម្នាក់របស់លោក Li បានប្រាប់ថា
កាលពីលោកគ្រូ Li នៅអាយុ ១៣០ ឆ្នាំ
បានជួបនឹងព្រឹទ្ធាចារ្យម្នាក់លើភ្នំ និងបង្ហាត់លោកគ្រូ Li
ពីក្បាច់ Baguazhang និង Qigong ដោយមានចលនាដកដង្ហើម
ចលនាពាក់ព័ន្ធនឹងសំឡេងជាក់លាក់មួយចំនួន និងរបបអាហារ។
អត្ថបទ
របស់ The New York Times ឆ្នាំ១៩៣០ រៀបរាប់ថា លោកសាស្ត្រាចារ្យ Wu
Chung-chieh នៅសាកលវិទ្យាល័យ Chengdu បានរកឃើញរាជសារអធិរាជចិនឆ្នាំ
១៨២៧ អបអរសាទរលោកគ្រូ Li គម្រប់អាយុ ១៥០ ឆ្នាំ។ ក្រោយមកទៀត
គឺរាជសារជូនពរដដែលគម្រប់ខួប ២០០ ឆ្នាំ នៅឆ្នាំ ១៨៧៧។ លោកគ្រូ Li
កើតនៅឆ្នាំ ១៦៧៧ ហើយស្លាប់នៅខែឧសភា ឆ្នាំ ១៩៣៣ ក្នុងវ័យ ២៥៦ ឆ្នាំ។
លោក
គ្រូ Li បានបំបែកកំណត់ត្រាអាយុវែងរបស់ Jeanne Calment
ស្ត្រីជនជាតិបារាំងដែលមានអាយុ ១២២ ឆ្នាំ ១៦៤ ថ្ងៃ (២១-កុម្ភៈ-១៨៧៥ –
៤-សីហា-១៩៩៧)៕
0 comments:
Post a Comment