ដួង សុខគា ត្រៀមទៅឆ្លងឆ្នាំនៅហុឡង់ដ៍ Trackback
ដួង សុខគា និងដៃគូនាង អ៊ួច សាវី ត្រៀមឡើងយន្តហោះទៅកាន់ប្រទេសហុឡង់ដ៍ ដើម្បីផ្សព្វផ្សាយពីវប្បធម៌ខ្មែរនៅទីនោះ។នេះ ជាលើកទីមួយហើយដែលអ្នកទាំងពីរទៅសម្ដែងនៅទីនោះ ខណៈដែលពិធីបុណ្យចូលឆ្នាំប្រពៃណីជាតិខ្មែរនឹងមកដល់ប្រហែលមួយខែ ទៀតនេះ។ តែយ៉ាងណា គេមិនទាន់ដឹងថា អាចមានការប្រែប្រួលយ៉ាងណានោះទេ ព្រោះនៅពេលយូរគ្រាន់បើដែរសម្រាប់ការចូលរួមនៅរាត្រីរាំកម្សាន្ត នៅប្រទេសបៃតងត្រជាក់នេះ។ ម្យ៉ាងទៀត នេះគ្រាន់តែជាដំណឹងលើបណ្ដាញសង្គមប៉ុណ្ណោះ។
យ៉ាងណាក៏ដោយ ឆ្លើយឆ្លងជាមួយ Sabay តាមទូរស័ព្ទ តារាកំប្លែងស្ងួតរូបនេះ បានទទួលស្គាល់ថា ជាការពិត ហើយនៅពេលមិនយូរប៉ុន្មានទៀតទេ លោក និងដៃគូ ត្រូវឡើងយន្តហោះឆ្ពោះទៅប្រទេសមួយនេះហើយ។ ពិធីករ និងជាអ្នកចម្រៀងអាយ៉ៃ រូបនេះ បញ្ជាក់ថា៖ “ឯកសារទាំងអស់បានរៀបចំរួចរាល់ហើយ រង់ចាំតែថ្ងៃឡើងយន្តហោះប៉ុណ្ណោះ”។ ដួង សុខគា បានបង្ហើបថាលោក និងនាង អួច សាវី ត្រូវចេញដំណើរនៅទី៣ខែមេសាខាងមុខនេះ ហើយការសម្ដែងនៅប្រទេសហុឡង់ដ៍នេះ គឺមានរយៈពេលត្រឹមតែ១ខែប៉ុណ្ណោះ។ ប៉ុន្តែលោកសង្ឃឹមថា នឹងអាចឆ្លងទៅសម្ដែងប្រទេសក្បែរនោះទៀត ដូចជាប្រទេសបារាំងជាដើម។
ដំណើរ លើកនេះមិនមែនតបតាមការអញ្ជើញរបស់សមាគមដូចអ្នកសិល្បៈនានានោះទេ តែជាការធានារបស់អ្នកស្គាល់គ្នានៅទីនោះប៉ុណ្ណោះ។ ដូច្នេះហើយ នេះដំណើរកម្សាន្តផង ព្រមទាំងជាឱកាសនៃការផ្សព្វផ្សាយវប្បធម៌របស់ខ្មែរយើងឲ្យសាសន៍គេ បានស្គាល់ផង។ លោក សុខគា លើកឡើងថា៖ “ប្រហែលជាមានចាប៉ី អាយ៉ៃ និងទម្រង់នៃយីកេអីហ្នឹង ដែលត្រូវបង្ហាញនៅទីនោះ”។
រូបភាពផ្សព្វផ្សាយពី លោក សុខគា ទៅច្រៀងនៅហុឡង់ដ៍(រូបភាព៖ facebook សុខគា)
ទោះ
យ៉ាងណា ពិធីករសំបូរវោហាររូបនេះ មិនបានបញ្ជាក់ថា
លោកត្រូវសម្ដែងនៅទីក្រុងណាខ្លះនោះទេ
ព្រោះជាការរៀបចំឡើងដើម្បីអបអរសាទរ
ពិធីបុណ្យចូលឆ្នាំថ្មីប្រពៃណីជាតិខ្មែរខាងមុខនេះផង។ទោះ បីជាពិធីករ ដួង សុខគា មានកេរ្តិ៍ឈ្មោះល្បីល្បាញខាងវោហារកំប្លុកកំប្លែងយ៉ាងណា ក៏ដោយ ប៉ុន្តែទើបតែជាលើកទីពីរប៉ុណ្ណោះសម្រាប់ការសម្ដែងក្រៅប្រទេស របស់លោក។ លោកធ្លាប់បានទៅសម្ដែងចម្រៀងចាប៉ី ចម្រៀងសម័យ និងលេងកំប្លែង កំប្លែងលើទឹកដីអូស្ត្រាលីម្ដងនៅអំឡុងឆ្នាំ២០១១ ឆ្លើយតបតាមការអញ្ជើញរបស់សមាគមពុទ្ធិកនៃទីក្រុងស៊ីដនី ក្នុងគោលបំណងរៃអង្គាសថវិកាជួយវត្តខ្មែរនៅទីនោះ។ ដូច្នេះដោយសារអ្នកទាំងពីរជាដៃគូសក្ដិសម គេជឿថាដំណើររួមគ្នាលើកប្រាកដជាទទួលបានជោគជ័យ៕
0 comments:
Post a Comment